السلام عليكم ورحمة الله وبركاته
اضافه وصلتني من صاحبه الموضوع : 25-7
h[/QUOTE
حبيت ابين نقطه مهمه
انا مش مركزه على ريلي نهائيا ولا اساله وين رحت ووين ييت بالعكس هوو الويكند عندي يعني ايي الخميس الظهر يروح السبت في الليل وعنده بعد هوو وقت لربعه وعمري ما بينت له اني مضايقه بالعكس مرات هو يسالني اقوله ليش اضايق دام انت مش مقصر معاي انا ما بضايق
يعني ما يحق لي في ايام الاسبوع يكون يوم حقي
ومن ناحية اللبس والكشخه والطباخ انا مش مقصره حتى في تغيير الروتين وايد مهتمه في هالامور ويوم قصرت قصرت يوم شفته ما يقعد في البيت
يعني البس واكشخ حق من…؟؟؟؟
العصر مب موجود الظهر مب موجود اللهم الصبح وفي الليل.. وفي الليل طبعا البس له بس انا اقصد وقت العصر
ومن ناحية الاكل بعد انا مش معتمده على الخدامه الحين بس شوي اعتمدت لاني حامل وفي شهوري الاولى وانا مطيحه كم مره فأبا ارتاح عشاني انا[/QUOTE]
[/QUOTE]
السمووحه منج بس نقطه مهمه حبيت ابينها
اني انا سايرت ريلي في اللعبه ودخلت اللعبه ولعبتها معاه وفهمتها ومرات اساله ها شخبار اللعبه وهوو دوووم يسووولف لي عن هاللعبه وانا عادي اسمعله واتجاوب معاه بس هو الحين صار له قرب السنه والنص في هاللعبه بالله مب لوووعة جبد
يت مباريات كاس العالم وجاريته بهالشي وايد اشياااااا اجاريه فيها حتى لو ما تعيبني[/QUOTE]
بالموبايل أو يطلعون متى مابغوا والحرمة حليلها تتريا يحن عليها مرة بالسنة يطلعها من خاطره أما الطلعات الباقية كلها بطلب منها وبالمذلة
الله المستعان
فديتج استاذنيه باي ويكند روحي بيت امج و اهلج بس عنده مب زعلانه لاااااااااااااااااااا روحي جي و خلج عااااااااديه و لا ادقيله وايد بيييين فترات يعني جوفي يمكن يحس شوي.. حسسييه بوجودج لفتره معينه بس مب زعلانه و ما ادري شو لاه خلج هااااااااااااااديه..قوليليه امايه تباني كمن يوم عندها او اي المهم ما اتكونيني موجوده عنده يمكن ياثر فيه؟؟
فكري بأي طريقه تكسر هالملل
مثلا دوري في النت على منتزهات او مطاعم او حدائق وجهزي اغراض من اكل وغيره علشان الطلعه تكون حلوة ومرتبه وحددي المكان واسعارها ويوم يي الويكند قوليله نبي نروح هالمكان ما رحناه من قبل وبتشوفين بيتشوق يكتشف وكل ويكند طلعيله مكان غير
عقب بيستانس مع الطلعه معاكم وبتلاقينه بروحه يسال ربعه عن اماكن حلوة لطلعه وياج
وحطي في بالج شي مهم كل ريال يتمنى يلاقي الراحه في بيته مع ام عياله وربعه اخر شي يفكر فيهم بس يبي كل شي جاهز وبدون تعب فاذا شافج ملانه ما بيفكر يطلعج من الملل لا بيروح بيدور على ناس يطلعونه من هالملل
مثل الحرمه اللي ما تهتم بشكلها الريال ما عنده وقت يعلمها كيف تهتم لا بيروح بيدور على وحده جاهزة تهتم بعمرها
واعرفي ان اي حرمه ريلها مريحنها لا تفتكرين ان ريلها ملاك لا اعرفي انها نشيطه وتسوي كل شي ودووم تفكر وتبدع علشان تخلي ريلها يوقف معاها دووم
احس تركيزج يا اختي كله على ريلج.. وين راح؟ ووين يا؟؟ وشو يسوي؟ ومتى؟ وليش؟ ومايهتم فيني؟
طيب انتي وين وقتج اللي لنفسج يالغلا؟؟ انتي شو تسوين عشان تسعدين وتمتعين نفسج؟؟
انتي ليش ماتهتمين في نفسج وتعزينها؟؟ ليش لازم ريلج اللي يحسسج بمعزتج وبقيمتج وقيمة اللي اتسوينه له؟؟
انتي نيتج صافيه لله لما تسوين لريلج شي.. ولا بس عشان رضا ريلج وخلاص؟؟
وبعدين يالغلا لا تتريين منه مدح مباشر.. الريال يعبر بطريقة مش مباشرة في الشكر والمدح.. وحتى لو مامدح وشكر.. عادي.. ثقتج بنفسج ماتكفيج؟؟
ولما ينقد لاتتحسسين.. بس وضحي له بأسلوب انه هالطريقة جارحة.. (هو مش منتبه انه يجرحج!!!)..
انتي تقولين انه مايقعد وايد في البيت.. يمكن انتي السبب..!!
ليش تقصرين في ناحية اللبس والأكل.. اهتمي في هالأشياء عشانج انتي مب عشانه هو..
وبتشوفين كيف بيرجع لج ان شاء الله..
اللي بقوله.. لا تلاحقينه.. خليه هو اللي يلاحقج.. اشغلي عمرج بأشياء تخصج انتي.. لنفسج.. ولما يرجع ابتسمي ورحبي فيه.. وانتي لابسة احلى ملابسج.. ومتعطرة والبيت مدخن ومعطر.. واحلى الأكل مسوتنه ايدج الحلوة.. اكيد بيلاحظ.. ومش مهم يقول كلمة حلوة.. لأنه تعبيره مثل ما قلت لج مب مباشر..
واذا قالج اي كلمة حلوة.. قولي (أدري.. فديتني أنا والله )