وييت عندكم افضفض ويآكم ،، وادور عندكم الحل ،، اتمنى انكم تسآآعدوني ،،
انا متزوجه صار لي تقريبا سبع شهوور وانا احب ريلي والله اني مستعده افديه بروووحي
بس هو يآمر ويطلبها ،، وانا مرتاحه معاه ومب مقصر علي بشي
بس عندي مشكله وهاذي المشكله وهاي
المشكله
وآيد
مأثره
على علاقتنا ودومي افكر فيها وكذا مره تزاعلنا من بعض بسببها
ومشكلتي هي ان زووجي "بآآآآآآآرد " بمعنى الكلمه ،، ماتتوقعوون
كيف برووده يقهرني ،، صدقوني ماعاد لي ثقه بنفسي
مثلا احيانا اقووله : " حبيبي احبك " ،، تدروون شو يرد علي
يقوولي : "آآآهآآ أو هي " ,, طوفت كذا مره ،، قلت ماعليه
بس كم مره ،، احيانا انه اساسا مايحبني وانه جابرينه علي
واحس انه مايبااني ويوم احاول افتح ويااه الساالفه
يعصب ويهزبني ,,واحيان يرمسني عن البنات اللي كانن يحبونه ,, وبعضهم لين الحين
والله يرمسني جني واحد من ربعه ويضحك ،، ويرمسني عن مغامراته ويا البنات بالسووق
واذا انقهرت او حسيت بالغيره ،،يستغرب مني ويعصب اونه انتي محد يسوولف ويااج
ودوومه يعاايرني بالبنااات الثاانياات ،، دخيلكم ياخوآتي سآعدوني
تعبت من هاذي الحاله ماروم استمر لاتقولون اكلمه لاني كلمته كذا مره ماشي
فااايده ،، شو تشووفوون احسن شي لازم اسويه ،، وكيف اتصرف ،،
بليييز ردوا علي ،،
دعوااتكم لي
فيه نوعيه من الريايل يوم يحبون الحرمه يحبون يقهرونها .. ويستانسون يوم يشوفونها تغااار وتعصب ..
بس ماعرف ريلج من هالنوع ولاهء..
الله يهديه ويسخره لج
في رياييل ..
رومانسيين بس ما يتكلمون
وفي منهم اللي يتكلم
والخليجي بشكل عام .. ينحرج من التلفظ بهالكلمات ..
وهذا مب عيب فيه .. لا حبيبتي
هذا طبع تطبع عليه .. لكن مع العشرة بيتكلم شوي شوي
انتي لا تقوليله احبك بطريقة مباشرة .. لانه طبيعي بينحرج وما بيعرف يرد عليج ^_^
في رياييل من حريمهم يقولون لهم كلمة حلوة .. على طول يرد عليها بكلمة أحلى
في منهم اللي يسكت او ما يعرف يرد في ساعته .. وهذا ما اسمه برود فديتج
هذا نقول عنه انه نحرج او ردة فعل طبيعية
ابدي في نفسج ..
يوم بيتصل .. قوليله ( هلا حبيبتي .. إن شاء الله فديتك .. تآمر يالغالي )
طبعا عادي تمر شهور وهو بعده ما قالج ولا كلمة .. ^_^
بس صبري .. الشي بيطلع منه بس بشكل بطئ وبالتدريج
حتى يوم بتطلعين معاه بالسيارة قوليله من هالكلام الحلو .. بس لا توجهينها بدون سبب
يعنى لا تقولين ( فلان أنا أحبك ) عسب ما ينحرج وبقولج عقبها هيي
الريل على ما تعودينه .. عوديه باسلوبج وبيصير أحسن عنج في الكلام ^_^
اذا رمس عن مغامراته في السوق مع البنات … طنشي ثم طنشي
لا تعصبين عليه او تبينين له هالشي .. بس قوليله : الله يهديك ويبعد عنك بنات الحرام
بالنسبة لانه يعايرج بالبنات الثانيات .. ما وضحتي هالنقطة عدل
يعني يعايرج انهم احلى عنج ولا اكشخ عنج ولا شو
شوفي الشي اللي يقصده فيهم وسوويه انتي ..
وخلج واثقة من نفسج .. شو ما قالج لا تتأثرين بكلامج او تضايقين بنفسج
والله يسعدكم ^_^
وجزى الله الاخوات كل خير يارب ..
والاخت صاحبة الموضوع يارب يسعدج ,, ما بزيد شي على كلام الاخوات وخاصة الاخت ام خالد ماشاء الله عليها وربي يسعدنا ويسعدها دنيا وآخرة ..
عليج بالصدقة وقيام الليل ولو ركعتين والدعاء والاستغفار .. وشوفي السعادة بحياتج ان شاء الله ..