بنات أنا استغربت من شي الصراحه
الحين من المهم والضروري انه الوحدة تكون بأبهى حلة وصورة ونظافة قدام ريلها ..وهالكلام الكل يعرفه وحتى فالاحاديث وهالشي يأمر فيه الله ورسوله قبل الدكاترة والاخصائيين الاجتماعيين ..
لكن هني المشكلة..
:
:
:
:
كنت أتكشخ ودخل ريلي من برا وتضايق انه ليش أنا قاعده قدام المنظرة..وقالي بطريقة متضايق مني فيها بسج من المنظرة مع اني يابنات ما أقعد وايد بس كانت الدنيا ليل وبنتي راقده قلت فرصة بتكشخ له وبتزين له الين مايرد من برا ..بس شو أسوي لاكشخة عاجب ولابصل عاجب شو الحل؟؟
وان الوحدة أهملت نفسها بس شوي ها بس شوي قالوا حرمتي ماتتكشخ لي!!
قلت له تراه فالاول والاخير هالتكشخ لك انت ..ما أباك تضايق مني ..لانه بالفعل عصب عصب ..أنا استغربت!!بالفعل غريييب
هالرياييل شو يبون من هالناحية بليز صاحبات الخبرة أفيدوني..
اكشخي وتعدلي وعوديه انه يشوفج في احلى زينتج0
اذا الحرمه ما تعدلت لريلهاا لمنو بتتعدل واطلع زينتهااا؟
صدقيني فترة وبيتعود وبيفرح يوم بيشوفج مهتمه بعمرج 00اذا شافج هب مهتمه
بعمرج عينه بتزووغ وبتدور التعديل والسنع برااااا البيت0
الله يسعدج وينولج الخير حبوبة0
– اذا كان الريال معصب من شي ثاني و دش عليج و انتي قاعده تكشخين .. ما اظن بيستانس لانه اصلا معصب
– الريال يحب يشوف النتيجه .. وليس الطريقه او المراحل .. يعني حاولي قد ما تقدرين تخلصين بسرعه قبل لا يوصل و يشوفج وانتي مخلصه و جاهزه .. هني بيستانس .. اما اذا شافج مجابله المنظره اكيد ما بيعيبه
– انا مثلا ريلي دااااااااايما يقوللي : انتي بدون ميك اب احلى .. بس ها ما يخليني اهمل و اكون سلق جدامه طول الوقت خخخخ بيمل تره .. يعني احط ميك اب خفيف ( مب جدامه) .. و حزتها يقوللي يا سلاااااااااااااااااام محلوه اليوم!! خخخخ .. الحين ها مب تناقض؟ .. ما عليه انا عرفت له .. يوم ابا اكشخ اكشخ بالخفيف بس من وراه و بسرعه
هاي نصيحتي لج عزيزتي
عن تجربتي الشخصيه