حبيت اطرح لكم مشكلة ربيعتي واتمنى انكم تفيدونهاا و ان شالله هي راح تقرى ردودكم
السلام عليكم
عندي مشكلة واتمنى الاقي عندكم الحل ،، انا مالجة من فترة وريلي قبل لا يملج علي كان مالج على وحدة ثانية ، تموا خطوبة سنة وملجة سنة يعني = سنتين كملو مع بعض
ريلي كان متعلق فيهااا بشكل جنوني ويحبهاااااااا وموفر لها كل شي وكاان يشوف انها كل شي في حياته ،،
لكـــــن
اكتشف انها تخونه مش خيانة تلفون بس الموضوع اكبر من جي
المهم طلقهاا وعقب فترة تقريبا سنة خطبني وملجناا
ونحن بينا معرفة بين الاهل واحياااناا كنا نتشاوف بالصدف
المشكلة ان
ريلي يحبني لكن ما يقدر يهتم فيني ما يحب يرمسني وايد ناادر ما يرد على مسجااتي
ونادرا ما يطرش
اذا اتصلت ما يرد واذا رد يقول برد اكلمج وطاف او يتعذر بالاهل بالربع
المهم انه ما يكلمني
احس بعدة قلبه متعلق او يمكن من الصدمة يتحرى ان كل البنات نفس الشي !!
صارحته كم من مرة ويعترف ويعتذر ويقول بتغير ويرد يسويلي طاف
اناا تعبت ابى احس اني مالجة احس ببرودة في علاقتناا مخلي حاجر من بيناا
مع انه كااااااااااان غييييييييييير مع الاولى
24 ساعة تلفون وطلعات وهدايا
اناا ما بى هدايا بس ابى احس بحبه لي ابى اهتمااامه
اخر مرة صدق زعلت منه وغلقت تلفوني
وكنت ابى انهي الموضوع لكنه ترجاني اني اعطيه فرصة كم من شهر وبيتغير
واناا ياا ما سمعت منه هالرمسة !
اقوله اذا انا مقصرة خبرني
يقولي بالعكس انتي موفرة لي كل شي وما مر علي حد يحبني ويهتم فيني بكثرج
عطوني حل ،،
كيف اتعامل معاه ، كيف اخليه يتقرب مني ومااا يفارقني ..؟؟؟
كيف انسيه حرمته الاولى؟؟
اطنشه ولا اتم جي متعذبة ولا انفصل عنه !
الله يجزيكن الخير
اتمنى الاقي ردود حلوة وتنفع ودعوة طيبة
والله عورتيلي قلبي ويمكن يكون مغصوب ومب متقبل فكرة الزواج بعد
بس انتي بالتدريج خليه يحس فيج وان شاء الله البنات بفيدونج وحاولي انتي الي تقدمين الهدايا وتبينن طيبتج وصافي نيتج واخلاصج
يمكن بعدها التجربة الاولى ما نسيها وكانت واايد قاسية عليه ..
اعرف انتي مالج ذنب فيها بس هوه انكسر شي فيه ..
الله يسخره لج ان شاء الله ويصلح بينكم ويتمم اموركم على خير ..
ما عليج من الاولى الحين
انسيها ولا تفكرينه فيها ^_^
وأغلب الرياييل جي اختي الغالية
اصبري لين تعرسون وباذن الله بينبني الحب بينكم بالمودة والرحمة وحسن التعامل ^_*
وادعيله في صلاتج ربي يسخره لج وتكونين الوحيدة في قلبه
وصدقيني ما خاب من لجأ لله سبحانه وتعالى
ربي يسخركم لبعض
فتوقعي حجم الصدمه انها تخونه و على قولتج مش خيانه تلفون و بس..فأكييييييييد بتكون الصدمه قويه عليه..
سايريه يالغلا..لازم تكونين وياه و تتحملينه ترى اصعب شي خيانه الحبيب..و صبري عليه هو يمكن بعده ما عرفج
عدل..و بعد العرس ان شاء الله بيتقرب منج اكثر و باذن الله بتنسيه طليقته..بس هي فتره و تعدي..و ربي بيهديه لج
ان شـــــــــــآءالله والسموحه.
