غلطانة.. بس السالفة ما ترزى

ابا رايكم دخيييل والديكم لا تحرموني منه….

انا معرسة من اربع سنين وحياااتي كانت امم الحمدلله زينة ومن سنة ظهرت بدون شور ريلي ويا اختي

سرت الصالون ويوم رديت ريلي كشفني بس احسسسه كبر السالفة .

منع عني كللللل شي جني مسوية جريمة كبيرة ويسمي طلعتي ويا اختي خيااااااانة؟؟؟؟؟

والحين منعني ارمسها ومنعني ارمس ربيعاتي وتغير بشكل غريييييييييييب صبرت وقلت يمكن الوقت

بيرده شرات ما كان وغلطتي صح انها غلطة بس ما تستاااهل كل هذااا .. مرت سنة كاملة وهو

يعاملني بشك وانا ضعيفة جدامه اطيعه اخاااف اقول له لا .. مدري هل لازم اغير شخصيتي واكون

قوية؟؟ وهل هالغلطة تستاهل هذا كله؟؟ وملييييييت ابا ارد ثقته فيني … احسه استغل هالغلطة وصار

يتحكم ف كل شي صرت احس ان مالي راي ولا شور؟؟

شو رايكن ؟؟

واي شي يقوله قولي إن شاء الله
صدقيني مع الايام راح يتغير .. باسلوبج الحلو بعد ^_^
الله ييسر اموركم

الحل برايي كوني مزوجه ولي خبره بسيطه ماشي احسن من النقاش والصراحه لكن بأسلوب مقنع وحلو
والاحسن انج تناقشيه لما يكون رايق واتوقع بضمني انه رايق يوم تسوين له سهرة حلوه وجو احلى
((كل بني آدم خطاء وخير الخطائين التوابون))