هاي تستاهل ريلها يعرس عليها والا لا ؟ شوفوا واحكموا المومة و الطفل

نبدأ بسم الله الرحمن الرحيم

شاب مواطن ما صار له نصيب ويا بنت البلاد تزوج وحده خليجيه قريبة زميل دراسه لديها ثانويه عامه عاشت وياه عشر سنوات انجبت ولدين
أصرت انها تشتغل وتثبت وجودها حالها حال غيرها من الحريم والريال رافض انها تشتغل ومب مقصر عليها بشي وهنا بدات المشاكل والزعل والخلافات وبالتالي الريال ما يحصل حقوقه الشرعيه عند زوجته ويبغي يكون عنده عيال أكثر عن اثنين وهي ما تبغي تيب عيال أكثر علشان ما تخترب مخططاتها بخصوص الوظيفه
بالله عليكم هاي ما تستاهل ان ريلها يعرس عليها أحسن من انه يطلقها
وفعلا قالها اذا بتشتغلين بعرس عليج
قالت(طبعا بلسانها) سر عرس وأنا بتم ويا عيالي
وطبعا اللي في داخلها غير ما في وحده ترضى حد يشاركها في زوجها
بس الريال هني شو ذنبه يبغي عيال ومب راضي انها تشتغل
اللي صار
عرس عليها
وعقب ما حست بهول الفاجعه اللي حلت عليها استقالت وحملت بالطفل الثالث
وقالت حق ريلها بسويلك اللي تبغيه بس طلق الثانيه
شو رايكم؟؟؟
شو ذنب الثانيه؟؟؟
يعني يوم تقدر تسوي اللي يبغيه منها ريلها ليش ما سوته قبل ما تطيح الفاس في الرأس؟
وألحين يايه تبغي تهدم بيت الثانيه

شو رايكم في هاي الحرمه ياللي واقفين في صف الزوجه الأولى اللي دايما في نظركم مظلومه والثانيه ظالمه وخطافة رياييل
هذا مثال واحد وانتظروا مني أمثلة قادمه في الجزء الثاني
وشي أبغيكم تعرفونه(كل وحده مكتوب رزقها من يوم عمرها أربع شهور في بطن أمها والزواج رزق واللي مكتوب لها بتآخذه بأمر من رب العالمين)
والسموحه من الجميع

يا اختي اصابعج كلها مب سوا ومب كل الناس نفس الشي
هذي الدنيا فيها الظالم والمظلوم والله يعين الجميع

سبحان الله ..
إنزين جان من الأول سمعت الكلام ..
الله يعين الجميع ..

الشرع حلل اربع والثانيه مالها ذنب ماظربته وقالتله تزوجني غصب ياها نصيبها وخلاص
والاولى الصراحه تستاهل ماياها

هي السبب الاولى طبعااا

والزوجه الثانية هذاقدرها انها تكون الثانية

هي لاظلمت ولا انظلمت وبالعكس زواجه من الثانية كان حل صائب وماته للحرام

لا مب من حقه والغلط منه لانه مب متفاهم ومو من حقه ان يجبر زوجته انها اتيب عيال هو مابيتعب ولا بيحمل ولا بيربي والحرمة من حقها تأخر الحمل واذا هو يحبها بيتفاهم معاها ما احب اسلوب الاجبار هاييلا الرياييل اللي عندهم كل شي لا والاسباب مب واضحة والاعذار وقحة بعد