شحالكن خواتي الغاليات ،، ربكن بخير و سهاله ،، حياهم الله ،،
اقربوا مسويه فروت سلد ،، 
من ايديا وحيات عنيا ،، ميري ماجاست شي << الملل و مايسوي ،،
المهم حبيباتي ،، ربي يسلمكن و يسلم غاليكن ،، انا انخطبت << احلفي
السالفه هب هنيه ،،
السالفه ان العرب عطونا مهله ،، و فالمهله العروسه لازم تفكر تفكر تفكر ،، انزييين وين المشكلها ،، قلتو هاااا ،،
المشكله ربي يسلمكن اني مااااااااااااااااااااحس بشي ،، ابد ولا نقطه ،، ماحس بشي والله ،،
مع اني شفته و شافني ،، (مابقولكم عن الشوفه فشيله وقسم بالله شاكه اصلا كيف عيبته وماقبض الباب وشرد )
المهم ،، هو استوا موقف ظريف كده يعني فالشوفه ،، بس ماحس له خص فشعوري الحين ،،
لا تقولون صلي الاستخاره ،، انا من يوم ماخبرتني امايه و انا اروكع و ادعي ،،
لا حلمت بشي ولا حسيت بشي ،،
المفروض يعني على حد علمي ،، الوحده يوم تنخطب تظربها حاله هستيريه ،، تظحك و اتصييح و تزغرط الا انا ،، مااااااااااشي احساس ،،
يوم خبرت امايه اوني يعني بتناقش وياها فديت ويها ،، تقولي عن المنكر خخخخ و اني بزايه ،،
الحين ها شو يخصه فالمنكر و البزا ،، 
الحقووووووني ماعرف شو اقول ،،
يعني يوم ايلس ويا نفسي نتشاور اقول يعني اذا قلت هي شو بحس و اقول في خاطريه بتم اصيح لاني بخلي امايه روحها ،، ترا ماعندها بنات غيري (راس مالها فديتني)
و يوم اقول مابا اعرس اقول في خاطري و عقب شو بسوي في حياتي ،،
احس اني خايفه من هالخطوه ،، و الصراحه نفسي مايله اني اتم عايشه عند هليه مابا اعرس ،،
افففففففففف انا في صراع مع نفسي ،، ماعرفتلها شوو تبا ،، راسي دار ،،
خذو فيني اجر ووافقوا عني لا تواجعوني خخخخخخخخ
دام نفسج مايله انج اتمين مع اهلج .. خلاص رفضي ..
عني انا وااايد كانوا يخطبوني وكنت ع طوول ارفض دون ما اصلي استخاره ..
بس يوم يا ريلي خطبني ما دري ليش صليت استخاره وربي يسر اموري ولله الحمد
ربي يعينج حبيبتي .. صلي استخاره>>> شو وراج تمي روكعي هع
والاستخارة مب شعور او احساس او حلم…هو تيسير او تعسير،،،يعني لو وافقتي وتيسرت اموورج هاي من الاستخارة…
والله يوفقج حبيبتي ويكتبلج اللي فيه الخير
هي يا المور تتسهل او تتعسر و كل يسير دربه
الله يوفقج حبوبة
ترا لا تفكرين بيلس مع الوالدة – هي تبا الفكة منج
سعادتها تجووف بنتها مستوورة – فكري بعد في ها الشي