انا من الحريم اللي انظلمو مع رياييلهم حصلت كل شي تتوقعونه الضرب والاهانه والتجريح والحرمان والتسلط حتى حقوقي اللي اشترطتها بالمحكمه علشان اردله ضيعها وتم يتمصخر عليي اونه ما ترومين تسوييين شي .. دراستي الجامعيه جبرني اودرها وطلعات ما اطلع وصابره على قلة المصروف اللي يعطيني اياه واشترطت اشتغل ووافق وبا النهايه قالي ماشي شغل والحين بعد ها الصبر كله وقلة الحيله يبغي يتزوج …صاااااااااابره والله صابره عليه انا ماريد المال والجاه والذهب ابغي اعيش حياتي بما يرضي الله … ولو اني يبت عيال بس ابغي احس بشبابي بدراستي ترانا تعبنا ودرسنا واهلنا تعبو علينا علشان با النهايه اييي الزوج ويضيع كل شي وفوق هذا كله بيعرس ولا والمصيبه يرمس بنات بعد كل شي كشفته ……. والله محسسني اني عيوز مع اني عمري ما تعدى 26 سنه ومن دون مبالغه الله عطاني جمال ومب ناقصني اي شي …والله يا بنات ليت الجمال ينفع وليت طيبة قلبي نفعت والله ماااااااااشي نفع …ودرت كل شي احبه لاجل ارضيه وهو با النهايه يسعى ليشتتني ليحزني وليمرضني …..
انا خلاص لازم اكون قويه لازم … لازم اتخذ قرار وبا النهايه بيرضيني
انا حطيت ايجابيات الطلاق وسلبياته با النسبه لي
وحصلت انه الايجابيات وااااااااااااااااايد من دون مبالغه كافي اني بتعالج من اللي فيني من دون حشره
كافي اني بستعيد صحتي النفسيه المحبطه …….
كافي بجابل عيالي بنفسيه احسن بعيد عن تسلطاته …..
بنات انا اعاني من مرض الهلع ومحد يدري وها من خذته وهو فيني هذا مرض نفسي هو سببلي اياه من الضيج والله …
احس انه خدااااااااع يبين من عيونه .. اعرف الانسان اللي جدامي يجذب والا لا .. سبحان الله حبل الجذب قصير وكله يقولي انا الجذابه في شوه بجذب عليه والا شو محصله علشان اجذب لللأسف والله
سامحوني بس حبيت افضفض والله اني اعاني ومحد يدريبي حتى اهلي ما يدرون ما ابغي ادخل حد في حياتي ها الايام محد ينفع حد كل واحد نفسي نفسي …
واذا الله كاتب يطلقج امورج كلها بتيسر..واذا ربي كاتبلج تعيشين وياه تراج مأجوره ع كل ثانيه تمر ف حياتج
..وكلي امرج لله وربي عيالج الدنيا ادور والله يمهل ولا يهمل….وربي يفرجها عليج ان شاء الله
نصيحة مني ابتعدي عنه فترة بسيطة وعقب شوفي اتغير او لا
وعقب قرري
تبني في شوه اساعدج ؟؟؟؟؟؟ يمكن اقدر اساعدج ؟؟؟؟؟ انا في الخدمه يا اختي .
اي خدمة نحن حااضرااات ما يردج غير لساانج
الله يعيينج و يصبرج على بلواااج و يفرج همج إن شااء الله
أما بالنسبه للضرب فأنا أنصحج لا تسكتين لا تخلينه عادي يسب ويضرب ويهين وقفيه عند حده بالأدب دخلي أهلج لو وصلت السالفه للضرب والأهانه دوري حد هو يستحي منه لو ما من أهلج من أهله.. الله يسر أمورج الغاليه ويشفيج..