أخوي والآسيويه .. الحل ؟ رعاية الاطفال

عندي أخ عمره 21 سنه من فترة راح الهند مع ربيعه وأخوانه خوالهم هنود وبعد فتره لاحظنا إنه زيارته للبلد زادت واايد وصار يسافر بدون ربيعه هذا حسب ما قالوا أخواني لدرجة إنه في مره سافر وقعد هناك فتره قرب يكمل سنه هناك وكان يتواصل معانا على طول ما قطعنا يعني وبعدين رجع من هناك وفاتح أمي في موضوع الزواج طلع علا علاقه في وحده هنديه من معارف هذا الولد وقرر يخطبها والبنت من عايله شبه معروفه في الهند على قولته يعني ناس نظاف وفيها مواصفات زينه من جمال وغيره لكن المشكله إنها هنديه ..

هالشي خلا كل إلي في العايله يرفضون هالزواج رفض قاااااطع وأمي قالتله لو أصريت على موقفك لا إنت ولدي ولا أعرفك إذا يبتلي أي وحده عالأقل عربيه تفهمنا ونفهمها يمكن أوافق لكن إنك تاخذ آسيويه مستحيل
أخوي مصر على موقفه برغم رفض الكل وبصراحه حتى أنا برغم كل شي عندي تحفظ عالموضوع تبقا في النهايه آسيويه كيف بتربي عياله على طريقتنا وبعدين نحن مانعرف عنها شي وكيف كانت قبل لا تعرفه وهل هو أول واحد في حياتها وألا عرفت غيره أشياء وااايده تفرض علينا إنا نرفض

وبعدين خوالي يومهم عرفوا بالموضوع زعلوا على أمي وقالولها ما نبا ندخل في حياتنا آسيويين شو بنقول للناس بعد كم سنه والله خوال ولدنا هنود ؟؟ وإذا ياب عيال عقب شو بيسميهم شو بيسميهم راجو وأكبر ؟؟؟

هذا الموضوع سبب أزمه كبيييره في البيت ومشاكل مالها حد ولا حل والكل رافض من كل النواحي مجرد الفكره بس الولد مصر وراكب راسه ويحبها بجنوون ما أقدر اوصفه ويهدد لو ماخذاها بيسوي شي بس ما حدد شو وبيخلينا نندم حتى أمي شكت في موضوع السحر تعرفون هالهنود وسحر الدم إلي يسوونه أعوذ بالله منهم
وأمي في الأصل متعقده من خدامه كانت عندنا هنديه كانت تحط عزكم الله دم الدوره في الأكل وكشفوها بالصدفه وصارت سالفه وقتها وسفروها بعد ما تبهدلت ومن هاك اليوم وهي تكرههم

بالنسبه لي عندي تحفظ عالموضوع ورافضه الفكره رفض قاااااااطع بس في النهايه ما أبى أفرض رايي عليه وأسوي إلي يسوونه معاه خاصه إنه كسر خاطري وكبر في عيني يوم قالي أنا أقدر أتزوج بدون رضا أهلي بس ما با هالشي يصير

أبا حل يكون مرضي لكل الأطراف ويكون بدون ما يسبب مشاكل في العايله هذا في النهايه أخوي وما أعرف صراحه كيف أتصرف عشان جي لجأت لكم عسا ألقى عندكم حل للموضوع كيف يتركها بدون مشاكل