ما يعرف الغيب إلا رب العالمين
ماتعرف الوحده يوم تجي تشتكي من زوجها وتفضحه عند الناس
الله وملايكته يشوفونه عريان
والله حرام الي تسوونه إحتسبوه اجر ولا تسمعون تعليقات الثانيات
والله يهدي نفوسكم
والي تتضايق من ريلها لاتقول ليش سوى جيه وانا مو مقصره معاه
إنتي ما تقدرين تحكمين إذا مقصره ولا لأ
الشكوى لغير الله مذله
أعطيكم حلول
أهم شي ما تخلين فرضج
وتنتبهين لكل كلمه وفعل لهذا الزوج
إبداي يومج بذكر الله وإحتسبي الي تسوينه لريلج وعيالج أجر عند رب العالمين
سوي كل شي الله أمرج فيه
مثل الوصايا العشر
طبعا تعرفونها
ولا تدعون عليه حتى لو كان مسوي شي جايد
طبعا لاطاعة لمخلوق في معصية الخالق
يعني اجبرج على فعل منكر
بطلو التلصص تراه أحد أشرعة إبليس
ولو تعرفون إن إبليس كل يوم يجتمع مع عياله ويعطي أعلى درجه للشيطان الي يفرق بين الزوجين
تخيلو
مالج غير تصونينه في حضوره وغيابه
وعيالج لا تهملينهم
ولا تقولين باتمتع مثل ما هو يسوي
ترا الحرمه ما لها إلا بيتها مملكتها
ما لج خص من حد حتى أهلج إنتي أم مسلمه الله عطاج كنز حافظي عليه
وإنتبهي تشتكين لغير المتزوجه أو الي ما عرفت تمارس الحياه الزوجيه بنجاح
يابنات الي تحس بأي مشكله ممكن تواجهها أو واجهتها ممكن تراسلني عالخاص
أعطيها حلول
مادرست بس ثقافتي الدينيه والأسريه واسعه في هالمجال
محتاجات الحنان و الكلمة الحلوة اللي تطيب خااطرهن
مو قصدهن شي
المهم
مشكوورة الغالية و إن شااء الله الكل يستفييد من النصاايح لأن اللي قلتييه موو غلط
والله كل كلمه قلتيها هي الصح والله يهدي الجميع وقبلهم أنا لأني أسوي هالشي بس صرت أحاول أتغير
والله يصلحلي حالي وحال ريلي ويرجعلي أياه مثل قبل
لكن صدقوني إلي تخلي الإستغفار ذادها اليومي كل لحظه وكل حين
ما تتخيلو شو بيصير فيها هي وريلها
عرسان كل يوم
تكفي الموده والرحمه
والعيال كنز
كل وحده تتضايق من زوجها لازم تتذكر كم شغله
أحلى أوقات قضيتيها معاه
ودعائج ودعاء أمج إنه يرسلج ولد وهذا هو جا يعني لو موإبن حلال الله مايرسلج إياه
وبطلوا التباهي جدام الناس
مايحس المال إلا مولاه
يعني المشاكل ممكن تكون بسبب حسد من الناس
كبرو عقولكم ولاتفهموني غلط
خصوصا البنوتات اليداد عالعرس