اشحالكن الغاليات؟؟
اليوم يبت لكم موضوع عن زواج الرياييل من بنت مب من البلاد
سواء عربية ولا خليجية ولا غيره
المهم
هو بهذا الزواج يكون مستانس إنه المهر والعرس ما بيكلفونه شي
بس عقب يبتلش
بخبركم كيف
أول شي.. التلفون..
اتم الحرمة كل شوي تطلب رصيد عشان ترمس أهلها…
لو مب بشكل يومي يكون بشكل أسبوعي تقريبا
وعاد لو مسكت التلفون ما بتسكره
لازم تكلم فرد فرد…
وبعدين.. تبا شغل لأخوها مثلا..
وتعال يا ريال اربع طلع له شغل…
وغير الفيزا وغيره من المتاعب…
ولا تنسون.. ع الإجازة تبا تروح تصيف عند أهلها.. أو هو اييب الأهل كلهم..
وكل مناسبة لازم يقص لها تذكرة وتروح
طبعاً ما بتروح بايدين خالية..
لازم أقل شي 50 ألف درهم عشان تمزر الشنطة
وغير فلوس الذهب اللي لازم تشتريه لأمها وخواتها
وأحينه
من أولى ياخذونها.. بنت البلاد ولا الوافدة اللي ع قولتهم تطلع أرخص عليهم.. ولا تكلف ولا هم يحزنون؟؟؟
يللا همتكن… نبا مشاركات…
وصدقتي يالغاليه الوافده خسرها ايي عقب العرس والمواطنه خسرها ايي قبل العرس
والسموحه
المشاركة الأصلية كتبت بواسطة أم فطامي 2024 
بالفعل الموضوع ماله داعي وافدة ولا مواطنة كل شي اسمه نصيب وربي كاتب هالشي
ليش كل هالتفرقة والفتن
صدق الزمن نغير وايد والسموحة
المشاركة الأصلية كتبت بواسطة أم فطامي 2024 أم شواخي.. صدقتي حلاة الثوب رقعته من وفيه..
ولازم الشباب يصحون من غفلتهم
أم فطامي… لو إني فاضية جان ما دخلتي الموضوع وضيعتي وقتج ورديتي
هذا حال بنات البلاد
الوحدة تكبر وماحد اييها والسبب تفكير الشباب المتخلف
فلازم أحد يوضح هالنقطة عشان يصحون من غفلتهم
وياخذون المواطنة…
المشاركة الأصلية كتبت بواسطة سحابة الليل ليش كل هالتفرقة والفتن
صدق الزمن نغير وايد والسموحة
سحابة
يمكن انتي وحدة معرسة ومب حاسة بالبنات المواطنات اللي صك عمارهن الثلاثين وماحد دق باب بيتهم
أو إنج صغيرة.. باجر يوم بتكبرين بتحسين
سحابة
يمكن انتي وحدة معرسة ومب حاسة بالبنات المواطنات اللي صك عمارهن الثلاثين وماحد دق باب بيتهم
أو إنج صغيرة.. باجر يوم بتكبرين بتحسين
اختي كل حد في هذه الدنيا له نصيب وكتاب مكتوب من الله تعالى
والله مو كاتب شي الا له حكمة
يعني يلي ماجا نصيبها ان شاء الله ماجورة ولها اجرها ويلي متزوجة الله يسهل عليها بعد
بس انتي موضوعج ماله علاقة يعني صح الوافدات مصاريفهم اقل بس كل شي مدروس
واذا على التكاليف ما اعتقد هي السبب ولله الشكر في امور كثيرة غير المهر لكي يتزوج الرجل الاماراتي من الوافدة غير الفلوس ….
في النهاية المقصد يلي اريد اوصله ان كل شي مكتوب من الله سواء كان مهر البنت المواطنة قليل ولا كثير اذا ربي كاتب لها الزواج بتتزوج