اشحالكن بنات؟
ببدا بمشكلتي على طول و ان شالله القى عندكم حل لأن الوضع صار لا يطاق
احنا بيتنا يتكون من بيت و ملحق البيت لنا و الملحق ل يدي و يدتي
المهم
يدتي متسلطه وايد و السانها وايد إطويل سوري على هالكلمه بس صدق السانها
طويل لدرجه ما تتخيلونها و نحن انعاني منها وكل يوم تكبر هالمعاناه
قبل 4 سنوات تقريبا أتوفت أمي الله يرحمها و السبب مجهول
كانت أمربيه باخوي الصغير و من كملت 42 يوم أتوفت كانت وايد تعبانه لأنها يابت اخوي
ابعمليه و اخر يوم كانو أربيعاتها عندها و أنا بلمعهد لأني كنت ثانويه عامه و أختي إلي أكبر
عني أتوديني و أتييبني فأمي أنجبرت انها هي تشتغل بلبيت لأن ماشي خدامه و السبب
يدتي أتقول لامي إلي أييب لحرمته خدامه هذا خمار !
احنا خسرنا أمي عشان يدتي و ما كفاها هالشي ف العزا قامت أتوزع كيك و بسبوسه
أتخيلو بس حد ايوزع حلويات بعزا ؟ !
و الحين امذوقتنا الأمرين لا ليلنا ليل ولا نهارنا نهار
اخوي الصغير شلته خالتي أتربيه و اخوي إلي أكبر عنه بكم سنه تم عندنا و مسكين
طايحه فيه ضرب و اهانات و المشكله ان وايد يلعب ويحب ايشوف التلفزيون
و احنا من أتوفت الوالده عقينا التلفزيون إلي كان عندنا لأن سوينا صيانه للبيت و ما سرنا نأخذ
غيره لأن إنشغلنا بأمور ثانيه
فشي طبيعي بنسير انشوف التلفزيون فبيت يدي خصوصا ان يدي وايد ايحبنا
لكن يدتي مب عايبنها الحال اتعق علينا رمسه و المشكله ترمس بلفريج علي أنا و أختي
و حتى عن المرحومه ترمس بالشين
أونه أنا و أختي أمنا علمتنا على لهياته
أبذمتكم إذا فقدتو حد من بيتكم وكان دنياكم كلها هو إلي يصبركم وهو إلي بس واقف معاكم
أكيد بتكرهون يلست البيت و خصوصا إذا أكنت كله اهانات و رمسه قويه
يأما دخلت معاها بضرايب و أقولها انتي جتلتي أمي لأني فعلا أحس بهالشي
وهي بلعكس اتزيد اعناد و تسلط وتبي أتمشينا على كيفها إلي أنا و أختي أنسويه
كله غلط بس إلي بنات عمتي يسوونه صح و مليون صح و إلي قاهرني انها ترمس بلفريج يعني
أمشوهه صورتي و صورة أختي جدام الناس إلي ما يعرفونا بس إلي يعرفونا ايقولون عنها
مينونه و ما يصدقونها
و أبوي انجلب حاله من أتوفت الوالده أول فتره صار ما يرقد أبحجرته كله يرقد بلميلس
وعقب سوه صيانه للبيت عشإن ما يدخل حجرته و يتذكر الوالده لأنه ندم انه كان
مب زين معاها و نحن زاد تعلقنا فيه وايد لأنه صار لنا كل شيء لكن يدتي ما ارتاحت
تيلس تحشي رأسه بناتك و بناتك حتى الحين برمضان وعلى الفطور و جدام الكل اتعق رمسه
عني أنا و أختي مستكثره علينا أنسير نتفطر ويه أربيعاتنا يوم واحد برمضان
شو أقول ولا شو أخلي عيشتنا بماساه وحتى لما يدي ايقولها حرام لا اتنازعين اليهال
إلي هم اخواني اصغار أتقول ليش حرام هذيلا ما يكسرون الخاطر إيقولها يدي هذيلا من غير أمهم
مثل اليتامى أتقول عادي حتى أنا ما عندي لا أم ولا أبو
أتخيلو اتقارن نفسها بيهال واحد عمره 4 سنوات و الثاني 7 سنوات
وابوي ساكت عنها و ساعات ايعق عليها رمسه لأن تصرفاتها لا تطاق
تبينا انكون مثل بنات أول نحبس عمرنا بلحجره و نيلس نشتغل بلبيت وهي فعلا سوت جذا
بعمتي إلي مب امعرسه و عمرها شيء و أربعين بس عمتي بنتها تتحمل نحن ليش نتحمل !
حتى خالاتي ما يدشون ايسلمون علينا عشإنها لأنها ترمس عنهم و يكرهونها كره العمى
وخالتي إلي عندها اخوي أصغير مب راضيه أترده لنا وحتى تبا اتشل اخوي إلي أكبر عنه
أتقول يدتكم بتذبحه طبعا أتقول جيه من السوالف إلي توصلها
حتى الأكل عفانا الله اتحاسبنا عليه و اتاكلنا أكل بايت و خالتي ما رضت بحالنا ناكل بايت
مسكينه قامت اطرش لنا إكل كل يوم لكن يدتي ما عيبها الحال طاحت بخالتي طيح
و أتخيلو يدتي خايفه مني مره كنت أتمصخر معاها أقولها أول ما بتخرج بدرب عليكم و برفع علي كل واحد
بهالبيت قضيه الحين من يستوي شي ولا نقاش حاد تيلس أتقول هي يبون يرفعون علي قضيه
نحن ما نعرف كيف انعالمها جربنا معاها كل الطرق الطيب ماعيبها وحتى لما قمنا انرد عليها
بعد ما عيبها وحتى يدي تبي أتقسي قلبه علينا لما. أيي أسلم عليه وعقب ما أظهر
أتقوله ايسلمون عليك عشإن المصلحه وأنا والله يشهد ما أخذ بيزات من يدي مع ان الوحيد
إلي أوديه و أييبه بحكم مرضه بلكلى وهو ما يصدقها و يتم يتعذر مني و يستسمح و أتخيلو بعد
هالعمر إيقول انه متندم انه خذاها و يسب عمره لما إيقولي كيف خذاها و هذا غير مشكلتي مع عمتي الي بكتبها بعدين
ان شالله
اسمحولي طولت عليكم وترى إلي بلقلب أكثر أتمنى القى عندكم حل مع اني ما اظن
يدتي تتغير فيوم من الأيام
سلام
اووووف
الله يعينج عليهــــــــااا
ترى بعض اليداات لما يكبروون يتغيروون واايد
انا يدووة مستوية يااهل كل دقيقة تصيح وانتو ما تحبووني وما ادرى شو
وتصرفاات يهااال وطول النهاار تون من غير سبب ،،
والله حااسة فيج وربي يكون بعوونج
وبصرااحة صعبة يعني اهي يدتج وعوودة كيف بتتعااملين معااها
والله ما اعرف شو اقوولج
بس ديري باالج على خواانج ترى مالهم غيرج
وعسى الله يحنن قلبهاا ويهديهاا >>اميــــــــن،،،،
بس كله كوم والبسبوسه كوم ثاني..ويدي يالله بالستر..
بس غناتي انا ما بعطيج رد حلو وفيه من هاك الزين الي يخلي غيري يقتبسه..انا برد عليج بصراحه وامانه..انا حسيتج مب انج مظلومه وساكته..يعني انتو مظلومين ويا ها اليده ربي يهديها لكن ((بسبوسه؟؟)) المهم..أحس أنج تردين عليها وما تسكتين..وبعد أحسج انتي وأختج ظهراتكن مش انها بالمعقول..غناتي الفطور لازم يكون ويا الاهل مش ويا ربيعاتج..يعني يدتج صح انها شكلها ترمس ع الفاضي والمليان بس بعد شكلكن تعطنها مجال ترمس..أنتي حاولي تكسبينها..تعرفين لا تقولين ما ينفع وياها الطيب جربي لو انه دهان سير ..جاملي..سايري..بس اشتري راحت بالج انتي واختـج..
وربي يفرجها عليكن بالزوج الصالح انتي وأختج..
ويهدي يدتج..ويغمد روح أمج الجنـه يارب..
طولي بالج
إن شاء الله ينصلح حالها
بعض العيايز لما يكبرن يتغيرن 360 درجه
اللي ترد ياهل و تكون حساسه من اي كلمه
واللي تصير قاسيه و ما تحب احد يناقشها بشي موليه
العمر ياثر علي البني ادم
تحملوها و اجبروا بخاطرها كل ما قالت لكم شي قولوا ان شاء الله و روحوا لها من كل الطرق
لو يت لكم من اليمين روحولها من اليسار و حاولوا تلطفون الجو و تشوفون يمكن تتغير مع مرور الوقت
ويمكن في شي مخليها تزيد قساوه عليكم
حاولوا و لا تياسون
خاصتا و انها تخرب سمعتكم جدام الناس و هالشي مو حلو موليه
والله يهديها و يستر عليها و يحنن قلبها عليكم
والله يرحم امكم و يسكنها جناة النعيم و يستر عليكم بالازواج الصالحين
فمان الله
من جد ترفع الضغط
هب زين الي تسويه
الله يكون بعونكم