والله الغيرة قاتلتني المومة و الطفل

السلام عليكم يامتزوجات
ياربات البيوت هالموضوع يمكن يهمكم مثل ماهو هامني ووااايد

انا يايبه خدامه اندونسية ومن شكلها انها تبا تشتغل بس المشكلة انه اغار على ريلي منها من كثر ماسمعت عن الاندونيسيات بس انا الحمدلله واثقة جدا من ريلي بس تعرفون الشيطان والاعيبه
ساعدوني بنتي تحب تلعب معاها وشغلها في البيت نظيف بس اني بيني وبين نفسي اغار منها واحاول اقنع نفسي انها سنتين وبتروح مثل ماراحت غيرها

يالغاليه حطي الرحمان في قلبج ولا تفكرين جيه وريلج مابيحط مستواه من مستوى خدامه انتي ام عياله ومستحيـــــــــــــــــــــل يسويها ودامج واثقه منه ان شالله مابيصر هالشي ..

ليش معذبة نفسج,هاي خدامتج وفي بيتج يوم يكون ريلج في البيت لا تخلينها تطلع من غرفتها او اذا عندها شغل في المطبخ خليها في المطبخ وتسكر الباب وخبريها يوم بابا في البيت ما تطلعين من المطبخ او من غرفتها.واذا ريلج يالس في الميلس سكري باب الميلس.لان خدامات ما تعرفين شو نواياهم.حتى الاكل انتي حطي لريلج وشيله لا تخلنها مول تيي جدام ريلج.

يالله على الرد اللي يطيب الخاطر وصح لسانج يالغالية شبيه طبعي والله انج بردي قلبي بصراحة لني استحي ارمس خواتي عن هالشي ومشكوورة الرد في ميزان حسناتج ان شاء الله فعلا ريحتيني

أختي لا تبينين لها إنج تغارين منها عشان
ما تفتحين فكرها على أمور من الأفضل إنها
تكون سرية ! بس في نفس الوقت كوني حذرة
منها قد ما تقدرين وخلي عينج عليها ،

الغالية…………الشغالات هم لا بد منه………..لازم تاقلمين عمرج وياهن………… لان انتي تبين راحتج…….فلا تخربي على عمرج بافكار هدامه………واذا كانت الشغاله وايد زينه…..حاولي اترديها مره ثانيه………عشان لا تتعبين وتحوسين وتلوسين مع وحده يديده

انا جذي يوم ريلي في البيت الخدامات مايدخلن البيت مول إلا إذا طلبتهن يسون شغله بسرعه وانا واقفه على روسهن ^^