بعد الغياب.. عطاها ظهره و…………؟؟؟؟؟؟ رعاية الاطفال

وصل ريلها البارحة
وهي بعد ما خلصت دوامها راحت البيت ونظفته وسنعته وبخرته على أساس البعلول الحبوب يستانس..بس مر الوقت وما مر البيت
أنا ما أبي أظلمه.. صح إن طيارته وصلت الساعة خمس بس المفروض إن أول مكان يروح له هو بيته… صح ولا لأ؟
المهم ظلت تنتظره على أحر من الجمر.. وكلمته على الساعة ٦ وشيء قال لها بسير الحلاق وعندي شوي شغل بخلصه وبعدين برد البيت
عذرته طبعا لأنه دايما مشغول.. وحاولت تتفهم وضعه وما تضغط عليه.. قالت بيخلص وبيرد بسرعة.. لكن الوقت مر وما وصل البيت إلا الفجر ((((تخيلوا؟))))
وحتى يوم جاء كان كأنه توه شايفنها.. ما سلم عليها …صح باسها بوسه لكنه على طول عطاها ظهره ورقد.. بدون ما يتكلم ولا حتى قال تصبحين على خير
أنا لو ريلي جان صفعته خخخخخ
يعني معقولة ما يكون مشتاق لمرته وعياله؟ ومعقولة طول هالوقت بشغل..؟ الشغله اللي خبرها عنها ما تاخذ وقت واايد بس الله يهديه ما أدري وين سار؟ أنا ما أبي أشيشها على ريلها .. لكنها تقول لي إنها كانت مب مرتاحة أمس.. وحاسة إن ريلها خاش عنها شيء.. حتى اليوم حاسة بضيقة…والله ما أقدر أساعدها.. كل اللي قلتلها عليه إنها تستغفر وتذكر ربها يمكن هذه وساوس شيطان.. لكنها طلبت مني أعرض قصتها بالمدونة لأنها مب مشتركة.. وحابة تعرف إذا وحدة صار لها مثل هالموقف من قبل مع ريلها ولا لأ؟ وهل فعلا إذا حست الحرمة بشيء مب مريح معناته إن ريلها يخونها؟؟ أتمنى إنكم تفيدونها وتنصحونها…..