الجزء الثاني … للمطلقات..^__^ ارجو ان يتم تثبيت هذا الموضوع.. لتربية طفلك

شحالكم حبايبي ان شاء الله بخير..؟؟

طبعا..السالفة ما فيها..اني بغيت افتح هالموضوع واتمنى ان يتم تثبيته..يكون منفذ ومكان اتنفس فيه المطلقة..فيه عن كل اللي في خاطرها..يعني مثل ما في تجمع للعرايس..وتجمع للمتزوجات..وتجمع حتى للحوامل..حبيت اني اسوي تجمع لنا نحن..

يعني اللي في خاطرنا نقوله هنيه..ونتشارك ويا بعض في السراء والضراء..ونتابع اخبار بعض..وندعي لبعض..ونكون ويا بعض..في كل شي..احيانا حتى خواتج واقرب ربيعاتج ما تقدرين تقولين لها اللي في خاطرج..يمكن يفهمونج ويمكن لا..خلونا نتعرف على بعض هنيه ونستوي لبعض مثل الخوات..اذا وحدة فينا بتودع القفص الاسود اللي نحن فيه وبتدخل القفص الذهبي..ندعيلها..ونزفها بطريقتنا..واذا وحدة فينا طاحت بمشكلة..نتشاور ونحلها ويا بعض ونسعى لبعض..

ماعرف شو رايكن ؟ بس شفت هالفكرة في مدونة من المدونة..وحلو انه نتواصل ويا بعض هنيه..

مادري اتمنى التفاعل..لانه محد بيحس باحساس المطلقة الا المطلقة..سواء عندنا عيال ولا لا..

اختكم