المهم
و في نفس اليوم اخر الليل كنا قاعدين انا و امي و قالت لي ما اتصلتي لريلج؟؟ قلت لها لا! ليش اتصل
ردت عليه ماحيد قلبج صحا اتصلي و شوفيه بخير و لا لا و سكري!! اتصلت و حصلته مغلق
و يوم الثاني انا اتصلت لاخته و قالت لي انها ما تعرف شي انا تميت ساكته و رديت عليها يعني هو من كمن يوم مختفي على كلام امج و الحين دورتو عليه و لا يوم دورتوه تدورونه عندي!!!!
وهي قالت "انتي تعرفين فلان دووومه فالعزبه و لا عند ربعه ف ما نحاتيه
قلت لها انزين شوفو يمكن هو فالعزبه و رديت عليها بأسلوب استهزاء
المهم سكرت عنها
و محد اتصل لي منهم و انا كنت احاتيه بس ما بينت هالشي لحد لا من هلي و لا من هله
و بعد اجازة العيد داومنا
و اول يوم دوام و تقريبا عالساعه 10 رن تليفوني و لا هو المتصل لي و الله ان ويهي تلون و ردت عليه لا ارادي
و سألته انه وينك ليش غالق تليفونك وووينك ؟؟؟
رد عليه بصوت يخوف انا تحت انزلي اباااااج الحين !
قلت له انا فالدوام اتريه لين اخلص الدوام و عقب سير لابوي مب لي
رد علي بتنزلين لي تحت و لا اطلع لج فوق و اسحبج
انا خفت و نزلت و هو كان ف سيارة اربيعه و الله يا بنات شكله كان يخوووووووووووووووووووف
كنه مب راقد من سنه و لحيته مب مرتبه معرف كيف اوصف لكم بس انا صدق خفت منه
و ما قدرت اتكلم
قال لي :شخبارج قلت له بخيرو انت؟ قال لي مثل ما انتي شايفه
و تميت ساكته من خوفي منه ؟من شكله ماعرف اوصف لكم
وقال لي
((شوفي انا تزوجتج زواج عادي بس مب معتانه اني ماحبج بس عمري ماكنت مفكر فالزواج يعني حرمه و بيت و عيال ليش ماعرف لا تسأليني و لما ما جربت منج ماكنت ابي اتسرع في هالشي عسب ما اظلمج معاي هذا كان تفكيري !!! ادري انه غلط بس ماكنت حاط في بالي انج بتزعلين و كنت اقول دامنا متزوجين يعني بنعيش العمر كله مع بعض و ماله عادي نضايج بعض من بداية زواجنا كنت عايش ع راحتي و خليج ع راحتج و كان هالشي غباء مني ادري و الله ادري بس كان هذا تفكيري)
انا ما قدر انطق بحرف واحد لاني كنت منصدمه من شكله
و مسكت عمري و قلت له ارجع البيت و انا بس اخلص دوامي بتصل لك رد عليه لا ارجعي و اذا ما رجعتي انا مب متحرك من مكاني نزلت من السيارة بدون ما اتكلم
و سرت لمكتبي و شفته من الدريشه بعده واقف مكانه اتصلت لابوي و قلته له اللي صار قال لي سكري انا بكلمه
المهم
بعد ساعتين يعني ع12 و نص او وحده
اتصل لي ابوي و قال لي ارجعي بيتج
بس تم ف خاطري سؤال هو وين كان؟؟؟؟؟
و خلص دوامي و حسيت بقلبي يدق دقات قوية خايفة ارجع لي البيت و يرجع لسوالفه و خايفه ما ارجع يصير شي ثاني
و طول الدرب و انا اسولف مع عمري يعني تخبلت رسمي
المهم وصلت لين شقتي اللي ماكنت سايره لها من فترة(اجرناها شهر واحد و عقب زعلت و هديت له البيت)
حاولت بصعوبة انزل اريولي و نزلت و كنت امشي للشقه بخووووف و فتحت باب الشقة و احمد ربي مليووووووووووووووون مره حصلته راقد غطيته ويلست فالصاله
لين العشا وبعد الصلاة نش من الرقاد ويي يلس فالصاله وما تكلم ابد ولا انا بعد
سألته تبي عشى ؟؟قال هي دخلت المطبخ ابي اطبخ بس مب قادرة شكله يخوووف سويت اشويه خفايف
و قعد فالصاله
و بعد ما خلصنا العشى قال لي قومي اشوي بنطلع لبست عباتي و طلعت معاه بدووون صوت و سرنا صوب البحر بند سيارته و تميتا يالسين محد يتكلم
المهم
انا سألته انت وين كنت كل هالفتره ؟؟؟
رد عليه كنت ف بيت اربيعي كنت ابي اقعد اشوي مع نفسي و احاسب عمري ؟؟؟
انا ليش سويت فيج جي ؟
وتم يقول لي اشياء ما اقدر اقولها لكم
حسيته مخرف على ندمان على تعبان
بس كلامه ما اقنعني ابد
قلت له فلان اذا ما تباني و الله مب ملزوووم فيني طلقني و كل واحد يسير ف حال سبيله لان بصراحه انا ماشفت الراحه وياك و لا حسيت اني متزوجه و لا عندي شخص يحسسني اني زوجه
كل اللي اعرفهن و عرسن عايشات مرتاحات الا انا و ما احسد حد الله يشهد عليه
بس انت عمرك ما فكرت اني انسانه محتاجه لحنان لزوج احبه و يحبني لصديق اصارحه بمشاعري
لانسان يحسسني اني انسانه مثله
سكت عنك مره و عشرة بس عسب اتحس و لاني مابي مشاكل بس انت ابد مايي ف بالك يوم اني راح انفجر من تصرفاتك معاي
و تم يصيح قلت له لا تصيح لان الصياح ما ينفع انا سنه كامله و انا اصيح و ما ستفدت شي يعني لا تعب عمرك و تعور راسك
قلت له انا الحين برجع لك و بشوف و هذيج المره سرت لاهلي بس المره اليايه انا بسير المحكمة بريولي
و اعتذر لي و باسني ع راسي و انا سامحته
بس هل كان لازم ارجع له و لا اخليه يتعذب مثل ما عذنبي؟؟؟؟
انا محتارة
الله يوفقج وياه وان شاالله يكون احسن عن قبل ويندم عالي سواه
يكفي انه حس بغلطته وياج بنفسه وفكر قبل كل شي ارجعيله وكوني له الزوجه والصديقه والله يهنيكم يارب
الطلاق شي يصعب
الله يسعدج و يهديه
و أسال الله أنه يتغير و يحببج فيه و يحببه فيج
و يرزقكم الذرية الصالحة
والله يهنيكم ويخليكم لبعض دوم يارب
وربي يهنيكم في بعض وبرزقكم بالذرية الصالحة … ويطرح فيكم البركة إن شالله …
وشكله من النوع اللي يحب الوحده تتغلى وماتهتم فيه وايد ….
يعني مثل الظل يلحقج يوم تشردين عنه …………….. الله يهديه ويوفقكم
و يرزقكم الذرية الصالحة