اعرف انه موضوعي وايد بنات كتبن نفسه و سالن بس انا والله محتاجه لكم و لافكاركم يوم زواجي بعد اسبوع حتى اقل من اسبوع وانا حامل و الحين بيمر 3 سنين على زواجنا و حياتنا ملل و متدهورة العلاقة بينا دخيلكن ساعدني ابي افكار اعيد فيها الضحة والبسة شوي لحياتنا المللة..شو اسوي بهاليوم شو اييبله و شو اسوي من مفاجات تفرحه و تخلي يرد يحبني نفس قبل و اكثثر
الله يوفقكم بحياتكم و بين ازواجكم ساعدوني و لاتحرموني من افكاركم
انا بحااول وبقولج الي اقدر عليه
اول شي الرياال ترى يحب حد يهتم فيه وتسألين عنه واتغارين منه وكل شي
اهم شي طرشيله مسجات من قلبج وقوليله تحت المسج ترى كل ها الكلمات من قلبي الرياال يحب الاهتمام
على الاقل وهو ويا ربعه يوصل له مسج صدقيني بيستاانس لو كان من بينكم 10 سنين
و2 حاولي اتغيرين من ديكورات غرفة النووووم وحاولي بين الغرفه اتحطين شمووع ترى ريااييل يحبون الشي رومانسي وحاولي اتعطيرين الغرفه
3 حاولي تلبسين اللون المفضل عنده مثل الفوشي ولا الأحمر بس انا بقولج على نصيحه حلوه يمكن بتعيبج اربيعتي قالتلي عنها قالت لي انها مره لبست لبس ريلها ريلها تم يضحك عليها واتخبل عليها الرياال يحب الحرمه اتشاركه في كل شي حتى لبسه بس على حسب ريلج مب اتسوين الي ما اتحسين انه ريلح عادي عنده تلبسين لبسه .
4 حاولي اتفاجئينه بوورده ولا ميداليه ولا اي شي هديه بسيطه ولا غاليه الي يريحج
5 وحاولي اتقولين حق ريلج انه بنسوولف ويا بعض بنسوي لنا جلسة صراحه يعني الكل يصارح الثاني يعني تسألينه منو في بالك يوم اتروح الدواام وشورايك في عرسنا وكيف حسيتني يوم شفتني ولا تسألينه كيف حبيتني حاولي اتغيرين من عمرج
واذا عندي باقي بكمل لج عقب ااذن
ا
و
حيااااااااااتي الكلام اللي بكتبه و عن تجربه في حياااااااااااااااااتي .. و الحمد الله ع كل حاااااااااااااااااال ..
عشان تكسرين الروتين و تجددين حيااااااتج ..
1. غرفة النووووووم .. أهم مكان في البيت .. يعني لازم تكون مرتبه و حلوووهو و دوم الالوان فيهااااااا ..
يعني مثلا ابدي بالوان الباااهته لان الرياييل يحبون الالوان المريحه ( الابيض , الاصفر, الوردي , الرمااادي الفاااتح , البيج , .. الخ ) عندج زاااارااا مسوووي خصومااات و شراشفهم كواليتي .. المهم .. اذا عزمتي ع اللون الابيض .. يعني كل شي أبيض في أبيض .. تطلبين ورد أحمر و شموع حمر و أكسوسري احمر X أحمر .. وتكرمين الحمام تحطين الفوط البيض و الحمر + الروب الابيض مثلا + الشور جيل و الكريمااااات كلهااااا الفراااوله أو الكرز ..
الترتيب كله يوم هووو في الدواااام ( أوكي) لبسج أنتي حااامل لبسي أسترش ثري كوارتر ( لين الركب) و بلووووزه بيضاااااااا ناااازله شوووي .. عندج عضوووه في المنتدى تبيع المناااكير الاسلامي ترومين تجلعينه في اي وقت .. أصبغي اظااااافرج .. حطي مكيااااج خفيف .. رتبي شعرج .. حيول و تيجاااان أو تحني ع الخفيف .. تمي كانج عروووس .. و ما يأثر الحمل عليييييييييييييييج ..
عقب الترتيب طبعاااا الفراااش مدخن و معطر .. المكيف اطولين عليه .. لانه بيي البيت تعبااااان .. وخففي أضاءة الغرفه و سكري الباااااب عشااااان اتم باااااااره ..
وكل أسبووووع اتغيرين لوووون الغرفه .. و تستعدين بلباس ( كل شي 
) ومثل ما قلناااا فوق .. صدقيني بيعيبه وانتي كووووني رقيقه أكثر و أدلعي .. لان الحااامل اتمر في فترة كلهاااااااا عصبيه .. و أشغلي باااااالج كيف تستعدين
حق المفاجااااااااااااة الثاااانيه ..
الالوان الصااااارخه .. دخليهاااا بين فتره و الثااااانيه ..
بالنسبة اذا يوم منااااسبه ( عيد ميلاد + زواااجكم ) قبلهااااا بفتره .. أتحطين ورقه و قلم و تكتبين كل مخططاتج .. يعني المناااسبه الاصغر ( عيد ميلاده ) .. في افكااااااار واااايد وتقدرين اتسوينهاااااااااااا ومب لازم تحجزين فندق ..
فكره 1 .. ترتبين الغرفه كلهااااا و لون مب متعووود علييييييييه ( الهديه ) اذا كم من وحده يفضل التغليف من نفس ألوان الغرفه .. لان بتم في باااااااااااله .. يعني هديه اتحطينهاااااااا ع السرير .. والثانيه مثلا في الكبت و الثالثه .. تكرمين في الحماااااااام .. الخ
اتجهزين كيكه صغيرونه على قدكم .. و تحطينهااااااا ع الطاااولة ( يفضل الغرفه ) او صاااالة الغرفه بعيد عن الاهل ..
وانتي طبعاااااا جااااهزه بلبسج الحلووووو يفضل تتحنييييييين بيحسبج عرووووس+ والورد موزع في كل مكااااااان + البالوناااااات منثره ع الارض ..
وسكري بااااب الغرفه الكيكه حطيهااااااا أول ما يطلع من دوااامه .. أتغدي ويااااااااه وتمي ياااالسه ولا كأنه شي مستوووي طبعااااا بيسير الغرفه لان بيبدل .. أول ما يفتح الباب شووووو بيشووووف ( المفاجأااااااااااات ) وتمي صوووريه وكلي ويااااا الكيكه .. طبعااااا بتكون نفسيته فوق القمر ,, قوليله انا حاجزتنك اليووووم بكل دلع.. وع المسااااا سيروووو مطعم حلووو و اتعشووووو ..
عيد زوااااجكم .. يفضل أيكوووون في فندق احلا .. اتكون النفسيه مرتااااااااااحه و اكثر روووومانتك ..
تقدرين اتضيفين شي من السوااالف اللي فووووق .. أو انج تكلمين الفندق قبل ما تسيرون بأن هاااا اليوم عيد زواااجكم يفضل يرتبووولج الغرفه من وروووود و شوكلت و كيك .. اذا ريلج متعووود ع المفاجأااااات و عاااادي عنده .. أسبقيه انتي الفندق وترييه في الغرفه … كيف أتهيئينه ؟؟
طبعااا يوم بتحجزين خليهم يعطوونج كرت من عندهم و اكيد عليه صورة الفندق أكتبي .. الكلام الحلوووووو وعقب قوليليه اتريااااااك اليوم في الفندق …. ؟ ع الساااعه …. ؟ ( حبيبتك ) فلانه .. وخشيه في السياااره .. بدون ما ينتبه ..
نفس اليوم الصبح قوليله .. كل سنه و نحناااااا طيبين و عقبال العمر كله ( تمهيد الموضوع ) قوليله دور في سيااارتك ظرف لونه ..؟؟ أحين شووووفه وكلمني عقب ما تقراااااه ( ظروري ) اتريااااااك .. لا تنسين أتشلين أغراااضه و يااااج الكنادير …العطور .. الخ ..
سااامحيني وااااااايد طولت في المووووضووووع .. أتمنى تعيبج افكااااااري ع فكره مجربه .. و عندي وااااااايد رمسه وأفكااااااااااار .. الله يسعدكم ويهنيييييييييييكم ..دعواااااتج الغااااااااااااااليه .. وعسى كل وحده الله لا يحرمهااااااااا من اللي تتمناااااااااااااااااااااااه 😀
والله يوفقكم في حياتكم و يوفق الجميع يارب
ما قصرت
ماشاء الله عليها افكارها كلها حلوووووووووووووة