:
.. خواتي الحريم والمقبلات على تجربة الزواج بخبركن بشي اتمنى انه تنبيه حقكن !
انا هب معرسة بعدني ( وبالعكس هالموضوع حقي ان شاء الله قبل ما يكون حقكن )
( وحق الانسات بعد اللي يدخلن بدافع الفضول والاطلاع واخذ العبرة والعظة )
واعتبرنه نصيحة لوجه الله لا غير
عندي ربيعات معرسات والله يهديهن
ييلسن يرمسن عن مشاكلهن مع رياييلهن وسعات عن سوالفهن اللي تضايج ( يعني هب شرط المشاكل بس)
والمشكلة هب حق ربيعاتكم بس ( جان ما رسمت ولا كتبت هالموضوع ، لكن لكل من هب ودب حتى الخدامات يرمسهن !!! )
واعتقد انهن من اول ما يصبحن لين ما يمسن وهن على هالحالة
ويوم تنصحينها تغالط عمرها وتقول انا ما رمست !!!!
.:. حتى مرة وحدة كانت في الصالون ( رد دور ) يالسة اتسوي شعرها وطول ماهيه يالسة تحت الستيم ( كانت تسوي حمام كريم فوق العشرين دقيقة ) وهيه يالسة ترمس عن مشاكلها مع ريلها بعلو حسها واللي ما تبا تسمع غصبن عنها سمعت . لا ويوم خلصت من الحرمة لانها سارت تغسل شعرها ردت تكمل السالفة مع وحدة من اللي تعرفهن واعتقد معرفة سطحية ( غصبن عنا بتسويلنا تسميع لسالفتها مع ريلها )
:
:
( بليز سعات انتن ما تحسن بعماركن وتيلسن تغالطن وتقولن حشى ما رمسنا، وما ادري شوووه ، والله انكن ترمسن وهب حاسااااات وانا متاكدة انه بعض الحريم بيدخلن المشاركة وبيقولن ما نرمس وهن مية بالمية يرمسن !!! ( هالجملة للتنبيه ومراجعة النفس )
::
بعد شي ثاني خواتي في بعض الحريم ابدا ما يعرفن يتعدلن وصراحة عنقاش ويوم نرمسها نحس انهن عصبن ويعلن صوتهن علينا ( اقصد اللي تقدم لها النصيحة سواء انا او وحدة غيري ممكن تكون معرسة بعد )
يعني هذا وهن طالعات ويالسات مع الحريم والصديقات فما بالكن لو كانن يالسات في البيت
والله بعضهن ييلسن يمدحن عمارهن وانهن في البيت يسون جيه وجيه ومناكي جلابية هريس يمكن لابستنها من شهر والشعر منكوش وما عرف المشط له طريق صوبه
( انا مريت على كم وحدة من اللي يرمسن ويرمسن واكتشفيتهن على حقيقتهن والمشكلة اني خبريتهن واتصلت بهن وقلتلهن اني بمر عليهن !!! وهالشكل حالتهن وين لو ضاربة خط لين بيتهن بدون ما اخبرهن )
بعض المشاكل تستوي بين الحرمة وريلها لانه الحرمة ما تتعدل وحتى ان تعدلت تتعدل ( اي شي ) خواتي مافيها شي لو تاخذين نصيحة وحدة ( اختج ربيعتج اللي تشتغل في المحلالصالون او حتى نصيحة ريلج ) والله العظيم هالشي ما بينقص من جيمتج ولا شي
خواتي اتمنى انكن ما تعصبن وتعقن كلام ما منه فايدة وانا ما قلت
كل الحريم
ولكن اقول
بعض الحريم
بعض الحريم
بعض الحريم
: فان حسيتي انج مقصودة ( لا سمح الله )
بالعكس اسعي وانوي انج تغييرين نفسج نحو الافضل والاحسن
والابرك اكيد
بوركت الأنامل التي خطت والخاطر الذي باح أختي ,,
الاصناف هذه موجوده ولايمكن انكارها ,, مثل ماتفضلتي عزيزتي ,,
غير عن انها تكشف اسرار بيتها وخصوصياته هي في نفس الوقت تعري نفسها جدام اللي يسوى واللي مايسوى ,, ليش انا اتشكى واتبكى للناس ؟! فشو بينفعوني ؟ بكسب شفقتهم ؟ والا بيدخلوني الجنه ؟ الأولى اني احاول اصلاح نفسي وبيتي لزوجي واحتوى هاي المشاكل لأنه للأسف مش الكل أهل للنصح والارشاد فيه نصايح تهدم بيوت !! واساسا ما اعتقد اللي تتصرف بهذه الطريقه تبغي نصيحه !! في نظري بس المرأه الحمقاء هي القادره على جعل نفسها فرجه واضحوكه وهي تظن انها محط اهتمام !! الصالونات بؤر نميمه وفساد والعاملات بيحكون قصتها للقاصي والداني لان هي ماحافظت على اسرارها ليش هم يحافظون ؟!
اما بخصوص المرأه المهمله لشكلها وترتيبها فهن وايدات,, وماتنتبه ولاتفيد فيها النصايح لين تنصدم بخيانه زوجها أو استبداله لها بأخرى ,, وانا اعتقد ان الترتيب والنظافه والاناقه مايبالها تفطين ونصح لانه شي فطري في الانثى الحقيقية
مره أخرى اختي ,, سلمت يداك وبورك مسعاك
تسلمين اختي
وكلاااااااااامج صحيـــــــــح
واللي يقهرني انه بعض البنات يرمسن عن امور الزوجيه الخاصة بين الريال والزوجه
وفي منهن يسوا اعمارهم كانه ريلها كل شئ في حياتها ريلي جي ريلي جذاك وريلي مادري شو..الخ
وفي بعض بنات او حريم الله يهدين مايخلون سب مايسبون رياييلهم في صالون ويشتكين منهم
والله ساعات اقول شو هذينه في يوم واحد حصلوا مليوون سيئه من دون مايدروا
بس الذكيييييييييييييييييييه اللي ما تطلع اسرار بيتهااااااااا و حتى وياااااااااا أهلهااااااااااا
لوووو شوووو مااااا كاااانت المشكله تحلهااااااااااااااااااا ويااااااا ريلهااااااااااااااا بدوووون
تدخل الاهل.. بالعكس جيه الرياااااااال بيحب مرته لان ماااااا طلعت عيوووووبه للنااااااااااس ..
الصراااااااااااااحه واااايداااااااااااات ما يحسن .. وفي مشكله ثاااااااانيه و الاعظم ..
الخدااااااااااااااااامه موووول ماااااا يسوووولهااااااااا ساااااالفه .. لان هذيلا اعوذ بالله
منهم 75% من الدرااااسااااااات أكتشفووووو ييتهم الخليج للجنس مب الشغل .. واللي يطلعن
ويخل الخدم في البيووووووووت بوجود الزووووج .. ترااااا الشيطااااان موجود في الارض .. لا
تحطيييييييييييييين الثقه الكاااااااااااااامله و اتقووولن ماااا يستووووي شي .. أنتبهوووووو ؟؟!!
ولاااااا أطرشوووون الخدامه وياااااا الريل أي مكاااااان سواء مستشفى .. سوبر مااااركت … يااااماااااا
أستووووت سووووالف في السيااااييروبلاووووي .. والبيوت وكل مكاااااااان ويتم يتقرب منهاااا ويتعلق قلبه فيهاااااا ترااااهن ملعن سوووري ع الكلمه.. انتي ياااااا الزوجه العزيزه تمي ع جبد ريلج مووووول لااااا تفاااااارقينه بلحظه ..
أقروووووو موااااضيع الاستااااااااااااذه ناااااعمه الهااااااااااااااااااشمي .. والله حيااااتكم بتتغير وبتتحسن و بتنتبهوووون ع اشيااااااااااااااء موووووول ماااا تي ع بااااااااالكم …
اللهم بغلت اللهم فأشهد ..
سااااااااااااامحيني ياااااا صااااااااحبة الموضووووووووووووع .. دخلت في مووووضوووع ثااااااني .. لان احب بنااااااات بلادي … ومااااا اتمنااااااااااالهم غير الحياااااااااااااه السعيده و الحلوووووووه ..