السفر "~ لتربية طفلك

السلام عليكم

والله بنات ماعرف شو اقول

الله يسلمكم انا ام ل 7 اعيال قولو ماشاء الله
والحين حامل مع اني ماكنت ابي بس هاي اراده الله حمدالله

المشكله

ريلي من يومين خبرني
انه بنسافر هالصيف فرنسا وسويسرا وانه حجز بس لي وحقه

والمصيبه حجز من تاريخ 1/7 لين 26/7

انا يوم خبرني قتله شوو واايد انا مااقدر على فراق اليهال
وبعدين لو اسبوع بتقبل لكن قريب شهر مااروم

الايقولي انا ابي هالشي عشان ترتاحين لانج وايد تعباانه

وصراحه في هالنقطه معاه حق
انا طول يومي مع هاليهال حتى ماعندي وقت حق ريلي
وحتى النت ماصرت ادخله دوم لان ماشي وقت

والناس ماترحم يشوفوني متعدله وكاشخه يقولون ماشاء الله ماجنج ام 7 اعيال
وهم مايدرووون بالتعب اللي انا فيه

صج الناس مالها الا الظاهر ..

الحين اللي صار اني قلت حق ريلي اذا تبيني اروح وياك بروحنا
بس 10 ايام او اسبوع بالكثير
غيره ماشي

قام عصب فوقي
يقوي هاي جزاي افكر فيج
انا بامكاني اخذ الاعيال ويانا بس انا ابي هالسفره لج
لكني انا الغلطااان
وسااار

واليوم بطوله مايكلمني

بنات نصحوني
والله راسي يعورني من كثر التفكير
وهالعيال عورو راسي
اكتب لكم وواحد فوقي وواحد تحتي وواحد يصيح ههههههههه
قولو ماشاء الله

انتظر نصايحكم بفارغ الصبر

حبيبتي والله بس انتي غلطانهـ

بروحج تقولين انج تعبانه من اليهال ومب فاضيه لريلج بعد ,,

يعني اكيد هوو حاس بهالشي وحااب انج تتفرغين له وماشي طريقه عنده الا انه تسافرون بروحكم ..

صراحهـ فكرتهـ واايد نايس ورومانس يعني لوو قالج اي شي ثاني لازم العيال بيكونون موجودين بس السفر بروحكم بيخليج تتفيجين له 24ساعهـ

وبعدين حبيبتي معاج حق انج تحاتين عيالج لانه فتره طويله حاولي معاه يقلل المدهـ ’’

فهميهـ انج تبين اتكونين معاهـ بس بعد العيال يغمظونج وانج بتمين تحاتييينهم وبيكون فكرج مشتت ’’’
بس حبيبتي اوول شي وين بيتمون العيال اذا عند الوالده اوو اختج او شي خلاص اطمني ,, بس لا تزعلينهـ لووو فخاطرهـ وايد ’’

لاحقهـ ع العيال وصدعتهم ’’ واللهـ العظيم انا عندي بنوتهـ وحدهـ فديتها واحاووول ويا ريلي اخليييها

وليش ترفضين ؟؟ إخذي راحة من تعب البيت وسافري ويا ريلج وخلي لعيال ما شاءالله عليهم ما عليهم شر وعشرين يوم بيمرن بسرعه تراها فرصه لا تفوتينها 00 وإن شاءالله تسيرين وتردين بالسلامه 00

هههههههههههه لو انا منج ما اصدق …سفره بدون العيال وناسه ..
ها وانا عندي 2 الله يحفظهم ..بس بيني وبينج قريب الشهر وايد ..
بس لازم تاخون بريك انتي وريلج من مسؤلياتهم ..وترتاحين شوي عشان ترجعين لهم فرش ..
لا تضحكين علي ..انا من فتره خليتهم ليله وحده بس سرت قطر غيرنا جو ورجعنا ..حسيت بتغيير حلو ..
حاولي توصلين مع ريلج بحل وسط ..
زيدي انتي شوي واقنعيه ينقص هو شوي ..
وبيني وبينج سويسرا وفرنسا تصير ممله من غيراليهال ..اسال مجرب ..
والسموحه .

سيري استسمحي منه وقوليله خلاص 15 يوم زين

وياها
وان ما مشت سيري و هناك يوم بتشبعين سايسيه لين يرد البلاد

اختي انتي غلطانة نفروض ما تكسريين خاطره
والله حرام عليج
سيري راضيه وقوليله انه انتي بتسييريين وياه العيال خليهم ويا اهلج