تعليقات الازواج المضحكه على اللبس المومة و الطفل

السلام عليكم ورحمة الله وبركاته

طحت لكم على موضوع وايدعجبني :: منقووووووووول ::

اتمنى انه يعجبكم

لا تخلو الحياة الزوجيه من الفكاهه … ومن التعليقات اللي تطلع بعفويه وأحيانا تنمزج بالنغزات بذكر لكم مواقف حصلت لي ولصديقاتي …. وإنتوا عليكم التكلمه

وحد تقول:
1 – شريت بجامه من bhsعلى قولة مره عجوز تسميه mbcأول ما طلعت هالقناة سمعتها تقول لبنتها أمشي نروح للmbc … يو عادي أمي تسمي الهايدبارك اللي بلندن هاندباق ( جنطه ) وعليها أخذي بدليات عجايز
ما علينا بجامتي مقلمه … ما وعيت إلا ريلي يقول لبنتي شوفي هالشرشف شنو يشبهه بالغرفه ؟؟
لا وأنا رازه ويهي وأقول الفوطه يقول : لا
وإهي ويه المخده يقولها : لا
عيزنا وإحنا ندور …. جان يقولها شوفي صروال أمج
( الدفش ما يعرف حتن يقول بنطرون أمج وإلا بجامتها )
والله عقبها حرمت أشتري شيء مقلم والسبه أهو

2 – أحب قبل لا أنام أحط روج … كل ما شافني حاطه روج قال ولييييييييه حطت ديرماااااااانه
( كح كح يسمي الروج ديرم )

3 – مره صديقتي تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ..يعطيها لجاسم يعقوب وقوووووووووووووووووووووووول
( جاهزين حق التعليقات )

4 – وصديفتي الثانيه تقول كنت لابسه تايقر … تقول لمن شافني زوجي فجأه نقز على السرير وتلحف بالكفر قال نمر بالدار لحقوووووووووووووووووووووني

ووحدة تقول بمرة علق على بيجامه شاريتها من لاسنزا قالي :- خبازنا مضيع سرواله اليوم أثاريه عندك ..

طبعا احتريت منه قلتله صج مو كفو شاريتهابمبلغ كبير وتعلق عليها بعد وصرت اعانده البسها دايم علقت عليها شسوي احب اعانده )
وعروس تقول أول ماا تزوجت لبست قميص فيه ريش ههههههههههههههههه
وطبعا قبل لا يشرف رحت الصاله ابي شغله كانت شقتي صغيره فالريش طاح منه شويه بالصالة لما دخل الغرفه وشافني تدرون شقاااااااال

قالي
وأناااااااااااااااااااا اقول شكو الدجاج بشقتنا اليوم ؟؟؟
وانتف له عشه العصفووووووووووووووور
ههههههههههههههههههههههههههههههههههه قمة الاحباااااااااااااااااااط

وموقف لاخرى

انا مره بالليل وصلني خبر وفاة وحده اعرفها شوي من بعيد
بس ضاق خلقي عليها
وابو الشباب رايح شخري
عاد فتح عينه ولا انا ابجي
قالي شفيج؟؟
قلت ضايق خلقي
قال وديه الخياط يوسعه

واااااااااااااااااااااااااااااااااااي هذا وقته
انا ضايق خلقي على المره و ابكي واهو فااضي

ولا شوفو هالمسكينة شو زوجها يقول:

انا مرة كنت لابسة قميص نوم طويل الي يصير كانه فستان سهرة
المهم رافعة شعري وحاطة المكياج ولابسة اكسسوار ولبست عزكم الله الجوتي الكعب ولا الحبيب يقول لي بكل براءة: هاا بتطلعين وين بتروحين؟
وااااي انا لابسه قميص وامطلعه (…) وشسمونه واهو يقول لي وين بتروحين

واخرى تقول
اما عن نفسي لما كنت حامل ماادري شسوي بعمري خبركم الحامل ايشي تلبس تحس ان مو حلو عليها المهم مرة من المرات كنت لابسة قميص نوم قصير لون ابيض وكنت داقة علية ولا اهوة ياي بالطريج يعني ما يمديني اسوي شعري عاد تدرون فيني اموت عالبواريك جان اللبس باروكة شقرى مايلة على البياض اشوي واحط مكياج العين ناعم مع حمرة لون احمرولا بعد رازة عمري وقاعدة بالصالة اول مادخل جان ينقز نقزة يقوووول والله عبالي ينية قمممممممممممممممممة الاحباط عاد حدي مو ناقصة وانا حامل بس تبون الصراحة شكله كان صج مخترع هههههههههههههههههههههه
واخرى
بذكر موقفين اللي فبالي الحين
مره كنت لابسه احمر وحاطه حمره حمرا بلمعه اول ما دش وشافني قال شنو بحلقج دم !!!!!!! قمه الاحباط
الثاني بليله مسويتله مفاجآه دقيت عليه ورحت غرفتنا وحطيت من الالوان المضيئه مالت الجسم تنور بالظلمه ورسمت ولونت اشكال عالجسم اول ما دش صرخ شنو هذا شابه ليتات لووووووول قعدت اضحك على شكله صج
بالظلمه مو مبين شكلي بس المضيئه تبرق مسكين اخترع

فالحياه مليئه بمثل هالمواقف فقد كرهتي عندك لبس من تعليقاته

أو

علق عليك زوجك تعليق مضحك يقهر بنفس الوقت !!؟