تعرفون الناس بدت تنزل الاسواق والمولات والدنيا اعياد وكل عام والجميع بالف خير يا ررب ما اعرف ليش طولتها
هههههههاليوم اعمل شوبينغ ونتمشا بالمول وماشاءلله وايد زحمة لفتت نظري وحدة مع صديقتها او اختها معهم بيبي ابن نفاس بالعربية يجرونها واااااااء واااااااااء يصيح ولا يعبرونه وهما يسولفون ويضحكون هو مو ذاك الصياح اللي يقطع عمره بس يصيح ويتمغط وبعد شوي جلسنا بستار بوكس اريح شوي ولا الثنتين جلسو بالطاوله القريبه علي
وكان ساكت البييبي ولدهم وابتدا من جديد وااااء وااااء مصر يزعج امه ويزعجنا هههه والام برضو تسولف وما همها 
قلتلها سلام عليكم تسمحيلي اشيل البيبي سلمت علي قالتلي ايه تفضلي 
شلت هالنتفه فكيت قماطه بعد اذنها قلبته عبطنه لسا يتدلع وااء واااء 
بعد شوي سكت قلتلها ولله رحمته ضحكت قالتلي عادي ما عندنا دلع خليه يصيح لين يشبع مافيه شي من شوي مرضعته ودخلت غيرتله ومكرعته بس ما ابي اعوده عالشيل لو شو ما عمل شوووو رايكم بطريقتها لاني حامل وابي تجاربكم
قبل شهر او اكثر شوي
كنت فمحل والناس تتشرى لرمضان
طبعا حرمة يالسه تختار صحون ومدري شو
وياهل والله العظيم شكله ولد شهر او اقل
والله صغنووون طول ايدي بس
طبعا فارشه حقه هذاك اللي يلحفون الياهل به مدري شيسمونه
وطبعا بدون غماط ويصيح ويتمغط
طبعا حتى صياحه صياح واحد توه مولو كنه مكتوم ع نفسه
وطبعا مرقد بين الاغراض والام شكلها نفاس تعبانة
والله العظيم فااااااااااااااار دمي
كنت شوي و بنازعها
طبعا انا نسيت كلشي وجلست اتابع البيبي وقلبي متعلج فيه واحاتيه
كيف طاوعها هالام قلبها ياهل الجو مب زين عليه
ومحل زحمة ناس ونفس ف نفس وهو ماشي مناعه
غير امها مسردحتنه ف العربه حديد ع ظهره وراسه
والله يالسه اكتب و يتشبه لي كانه جدامي حبيبي
كنت ماشه اكلم الام بس ريلها معها
والله قهرررررر اهمااااااال
انا بعدي ماصرت ام لكن احس باليهال وايد
سمحيلي نسيت موضوعج ويلست افضفض ههههههههه
الصراحه تصرف غلط
احسه قمة الاهمال …. ياهل مفروض يحافظون عليه
ع الاقل لما يكمل 5 اشهر طلعوه مولات معكم وخلوه ف قاري
مب نفس هالحرمة ادزز فيه بمالت الاغراض
الله يسهل عليج غناتي ويسر عليج حمله و وضعه
ويعينج ع تربيته يارب
نقبلي مروري يالغالية
الي شفتيها شو جنسيتها اقرا كلامك وكاني اشوف المشهد قدامي هههههههههههههههههه
واخبر ريلي … حتى ريلي عصب هههههههههههه
ولما شفت موضوعج انا بعد حسيتج كنج توصفين المشهد ههههههه
خليجيه
بس احس حرااااااااام يغمضوني .. مرات يمكن من اليوع مش شبعان و مره من الالم و مره فيه نوم .. احس الياهل صيحاته على وايد اشياء …
أنا ما كنت اطلع بنتي ابد الا للمستشفى لا سمح الله ،،،بس الصراحة
ما عودناها عل الشل الا يوم سافرت تايلاند امي حلفت علي أني ما أخذها
ويايه لأن مناعتها ضعيفة تقريبا كان عمرها 5شهور و أنا كانت نفسيتي تعبانه
سبحان الله البنت انولدت و الوالد ( ابوي ) توفى بعدها بشهرين ،،،يعني الله لايوريكم
حالتي سافرت و رديت و أنا كلي شوق لها
شفت أخوي الحبيب و امي فديتها معودينها على الدلع
و الشيل ما عرفت شو اسوي بها تميت وياها شهر كامل لين ما نست دلع امي و أخوي
