[ . . الأمهات اللي يداومن ،، وين تخلين ولدج وقت الدوام ؟؟ في الامارات

ابا نصايحكم وين تحطين ولدج وقت الدوام؟
لأن أهليه ساكنين بعيد عني والوالدة تداوم ،، وأهل ريلي ساكنين جريب بس أم ريلي تداوم وحرمه تعبانه والصراحه
أفكر أحطه فالبيت مع الخدامه بلا مشاوير رايحه الصبح وراجعه مودتنه عندهم،، والخدامه تيلس فالبيت تنظفه وترتبه ويوم أيي يكون البيت مرتب
ما أحاتي شي،، بس مادري شورو عليه،، مادري ليش مب مرتاحه أحطه عند أم ريلي،، أحس أسلوبها فالعناية والتربية غير عني ،، وانا ابا ولدي يتربى بطريقتي ،، شوه رايكم ؟

اختي انا ما اداوم
بس الصراحة تخللين ولدج عند الشغالة فالبيت وروحهم ؟
انا مووووول ما اايد هالشي ..
لو شو ما كانت الشغالة جدامج بويه ووراج ويه ثاني
انا مش قصدي اخوفج لا بس عسبت خوفي ع ولدج
بعدج تشلين الشغالة وتخليها عند عمتج هي والياهل ولا فالبيت روحهم ..

هاي وجهة نظري

انا اخليه عند ام ريلي الله يطول في عمرها مش مقصره معاي ولا مع ولدي ومن سابع المستحيلات اخليه عند الخدامه اخاف هاييل مالهن امان واذا انتي مضطره ركبي كاميره في بيتج عسب تشوفين تصرفات الخدامه مع عيالج والله يحفظهم يارب

><

حالتي جسيفه اكثر عنج
ماعندي حل الا الخدامه
لانه اهل ريلي واهلي كلهم في راس الخيمه وانا الوحيده في بوظبي …

انتي جربي فتره بسيطه عند اهل ريلج واذا ما عجبج الوضع هاتي خدامه وقبل ما اتيبينها صلي استخاره
وقبل ما تطلعين من بيتج ما اوصيج تستودعين بيتج وولدج

ربي يسر لج اموورج يارب

اوافقها الراي

خلي الخدامه عند ام ريلج

مهما كان مستحيل الخدامه تكون احن واحرص على البيبي منها