بنتي عمرها شهرين ونص وهي بجري
صياحه بشكل لايطاق الصراحه لدرجة اني
كرهت حياتي واصيح ومضايجة من هالحاله وياها
ابدل البامبز واشبعها حليب وألعبها وأتم اكلمها وادلعها
وكل شي اسويلها ، لكنها اتم مستمره بالصياح
اغير البامبرز تصيح ابدل ثيابها تصيح
اذا سبحتها تتيبس من الصياح علي
اذا شوي خليتها وسرت الحمام او اي مكان تصيح
ولو شليتها تصيح ومرات تصيح وانا ارضعها وتهدة ماتباه وأتم اتصيح
صدقوني احس اني بتخبل
هالبنت بــــس تباني 24 ساعة مخلتنها في حضني
24 ساعه تبا يتم صدري بحلجها والا بتم تصيح
اهلي يوم يشوفونها تصيح يقولون ليش تصيحينها
شو سويتي فيها (صياحها يخوف الواحد تصيح صياح فضيع)
تخليهم يهزبوني اونه انتي تصيحينها
مره كنت ابدل اثيابها والبامبرز وتمت تصيح وتزيد وتزيد مع اني أحاول
اهديها واكلمها بــــس ماشي فايدة تزيد وتزيد
وأمي يت معصبه تقول مب زين تصيح هالقد ليش تصيحينها
( الحيييييييييييين انا الي يالسه اصيحهاااااااا ؟؟؟؟؟؟؟)
وتقولي بنتج بتروح صحتها بسبت هالصياح (أنزين انا شو اسوي دام هي جذا )!
واتم أمي تنازعني وخواتي يتمون يتفلسفون علي بسبت صياحها
محد يحس فيني وبالتعب الي اتعبه وياها ليل ونهار صياح وانا متحمله واداري عليها قد ما اقدر ،،، لا ارقد عدل ولا اكل عدل ولا اذوق طعم الراحه
يعني حتى لو طلعت ويا ريلي مكان للضروره اتم تصيح وشاله الدنيا وارضعها
واشلها واسوي كل شي وماشي فايدة اتم تصيح وايد والناس كلهم يطالعوني فضيحه
يعني شو الحــــــل ويا هالصياح ؟؟؟؟
ولحد يقول ان ها من المغص تراني اعرف شو بلاها ان كان صياح مغص
والا صياح دلع وانا احس اكثر صياحها تباني اشلهاواخليها ع الصدر 24 ساعه
مضايجه الكل بغثني بالكلام كأني انا الي اصيحها
دخيلكم ساعدوني شو الحــــــل ويا بنتي بهالعمر ؟؟ كيف اخليها تهدا
انا جي مثلج كنت اعاني .. وحده من بناتي كانت تصااااااااارخ مب بس اتصيح
والله تحسين انج بتتخبلين وما تسكت لو شووووو لين خلاص روحها تتعب .. تخيلي بالساعات اتم وانا خلالالاص انتهي
والثانيه حنااااااااااااانه كانت يالله شو بيسكتها ويا صياحها
وكل ها من بطنهم اصلا لان هالفتره يستوي فيهم غازات ومغص وغيره والياهل يتعب وانتي ما تعرفين شوو .. بس بتشوفين ان بسبت البطن
وما يحسون بالراحه .. اذا تحسين من بطنها .. خفي عنها الحليب وعطيها كل كل ساعتين ونص او 3 ساعات
وبنتج شكلها تبا مص خخخخخ ادري عانيت من هالشي .. مالج الا المصاصه .. عطيها وبتسكت
الدكتور قالي هالكلام وان هم يبون شي فالحلج ويمصون بس ما يبون الحليب .. شوي شوي بتهدى
وحتى قال لو تصيح صياح ترا هم يبون مص عطيها وبتسكت .. بس جربي وشوفي اي مصاصه تناسبها لان شي انواع
خخخخخخخ انا جربت وايد وكل الانواع .. لو تشوفين اشكثر عندي لين ارتاحوا على نوع معين
وجعديها عقب كل رضعه .. ونصيحه اذا من بطنها .. سيري عند العطار قولي ابي مرقدوش مال الاطفال .. عليه صورة بنيه صغيره اظن مكتوب دانه
والله بترتاااااااح اذا فيها اي مشاكل ف بطنها .. انا من عطيتهم والله الحمدلله ارتااااااااحوا وعطيها كل يوم كل يوم ليييين تحسينها استوت اوكي
وقفي وعطيها مره او مرتين فالاسبوع لين خلاص شفتيها ما يعورها شي وقفي
بس مره فاليوم حطي في مرضعه لين رقم 3 وحطي فيه قطعة سكر .. حبه وحده او حبتين اذا وايد مر .. جربي
وبتشوفين النتيجه .. وحاولي ما تشلينها وتعودينها عليج وايد .. لان بتم جي كله تبا شل وتبا تجابلج
حطيها جدام التلفزيون وشغلي لها رسوم وبتندمج صدقيني مع الحركه .. ولعبها بالالعاب حاولي تحطين في ايديها
شوي شوي بتتعود وتشوفينها تبا هاللعب .. لو تصيح عطيها المصاصه بتسكت روحها
الياهل يباله صبر .. مع الايام بتتغير وبترتاحين
عيل انا شقول كنت روحي مع الـ 2 كنت اتخبل مادري اسكت منو ولا منو اااااااااااه ايااااااااااام ما بنساها
الحمدلله ارتحنا ههههههههههه شوفي من دشوا 4 شهور وايد تغيروا حتى الرقاد يعتدل وكل شي
صبري عليها وحاولي تغيرينها وصدقيني كلها كم شهر وبترتاحين 
سوي اللي قلتلج وان شاءالله تستفيدين
وحده من الاهل جي بنتها سوت اللي قلت لها والحمدلله الحين مرتاحه ما تعاني شرات قبل
بــــس شربت لها مصاصتين وماتقبلتهن
شو نوع اللي عندج؟؟؟؟؟؟
وديها دكتور اطفال
nuk تناسب اكثر
مهدئ للمعدة ويخفف الغازات عند الاطفال ..
بعدين عليج بزيت الزيتون الدافي فركيها كل الليلة قبل ترقد عقب السبوح … وان شاء الله بترتاح وبيخف صياحها
الله يعينج ..
افهموني
صياحها عسب بطنها والمغص اعرفه
وعندي دوا لها واعطيها والحمدالله مرتاحه
بــــس صياحهااااااااااااا الثاني مال ٢٤ ساعه ذااااااابحني
تعبت تعبببببببببت منها والله مخنوقه
تخيلوا ماقدر اسوي شي مول
ماقدر اطبخ ولا اقدر اغسل الثياب
ولاقدر اهتم بنفسي
مقصرة في بيتي وريلي والله مضايجة وااااااااااايد
حتى رقادها مال ٥ دقايق واتنش
واذا كثرت ربع ساعه وتنش واتم تباني اشلها وارضعهااااااااا
موووووول ماروم اسوي شي