شخباركم ؟؟ عساكم بخير وعافيه
ابى ابتدي اعطي بنتي اكل
الحين عمرها 4 شهور وتمشي فـ الخامس ربي يحفظها
شو اسويلها ؟؟ وكيف ارتب لها الوجبات؟؟
فيدوني لانها اول بنت لي وما عندي خبره
فـ انتظاركمـ،،،،
بها العمر اهم شي الاكل يكون مطحون جيدا (ناعم) واتكون وجبة بسيطه عبارة عن 4 الى 5 ملاعق فقط في اليوم وبعدها تشرب حليب عادي … الامثلة : روب – موز – عيش – بطاطا مهروسه – كاسترد
و من تبدا السادس ابدئ بخضار ملسوق علبخار وجبة غذاء و الفطور سريلاك بلتمر و العصير المغرب
ابدي وياها باشياء بسيطة
انا دوم اتعامل ويا هالفترة على انها فترة تذوق. اخلي الياهل تذوق واشوف اذا عنده حساسية من شي من الاكل
ابدي بكميات بسيطة جدا واذا اشوف الياهل تقبله اكمل له وازيد كمية الوجبه شوي
اهم شي لاتثقلين عليها ولا تغصبينها
اذا رفضت اكل معين. وقفيه وردي عطيتها عقب فترة
ويتم عدد رضعات الحليب اكثر عن عدد الوجبات لين تكمل ٦ شهور ابدي اكليها بكميات اكبر وانواع اكثر
الحين عندج فالجمعية اكل خلص بعمر ٤ شهور
وتقدرين تعطينها فواكه بس لاتكثرين
واذا بغيتي خضرا مفورة
بس انا دوم اخلي الخضرا لين عقب الست شهور.
اكثر شي اعطيهم بيبيسريال. والبسكويت الخاص ب ٤ شهور وشوية فواكه وعقب ازيد الاكل
انتي بروحج اصلا بتعرفين اذا بنوتج تتقبل الاكل بتعطينها اكثر واذا لا حاولي وياها شوي شوي وان شاء الله بتتعود
اهم شي كل ماعطيتيها شي. انتبهي اذا يسبب لها حساسية ولا لا
عطيها نفس نوعية الاكل لمدة تقريبا ثلاث ايام. اذا ماياتها حساسية. يعني تقبلت هالنوع من الاكل
وان شاء الله اكون افدج اختي
امسات بديت وياه بيبيسريال الارز مال عمر 4 شهور عطيته شوي
ويباله وقت عسب يتقبل. الشهر الياي ان شاء الله بعطيه بسكوت فارليز بذوبه ف الحليب