بغيت اسالكم انا ابغي اترك ولدي الحفاظه هو عمره سنتين وخمس شهور
بديت فيه من البارحه
المشكله انه مايعرف انه لازم يسير الحمام انا كل شوي اساله بتروح الحمام يقولي لا بس هو قاعد يسويها في عمره
مره يه حقي يقولي انه تلعوز ماي خخ بس هو امسونها في عمره
كيف افهمه انه هالشي بالحمام ؟؟؟
بليز بنات افيدوني من خبراتكم
.gif "12 (1)")
الا انه اتعلم انه من يريد يروح الحمام يأشرليطبعا هالشي تعبني بالبداية بحيث شلت السجاد الي بالبيت بسببه
حاليا البسه الحفاظ بس باليل من يريد ينام
اعانج الله
.gif "12 (36)")
اول شي اشتري الحمام الصفير البلاستيك
على كدهم لانهم ما يقدرون عالافرنجي..
بعدين انا ما اشاورهم اذا يبون الحمام
كل ساعتين اوديهم واقعدهم واجلس معاهم 5 دقايق او 10 دقايق
بعدين يسونها لما يخلصون أصفقلهم وابوسهم
ولازم في مكافأه أعطيهم قطعة حلاوه..
طبعا هالحلاوه بس اعطيهم بعد ما يسونها بالحمام موب كل وقت..
وشوي شوي بروحه يركض للحمام طبعا عشان الحلاوه ههههههه
يعني فيه وللا ما فيه
بس استحملي هالشي..
اذا ما سوى شي بالحمام لا تعطينه حلاوه
قوليله هذي بس بعدما تخلص..
طبعا بالليل لازم بامبرز .. بس بعد فترة حاولي قبل النوم بساعتين ما يشرب سوائل
وماراح يسويها بالفراش…
وموفقه باذن الله..
اول شي اشتريت لها النونو هذا الحمام وخذيته ع شكل حصان لان بنتي تحب الحصان وفيه قرون تساعدها تمسكهن وبعدين ما كنت البسها حفاظه ف البيت وكنت اخلي الحمام مالها عدالها طول الوقت ويوم تبه شي تقولي ماما حمام واخبرها تسير تيلس عليه بس يوم كانت ترقد الظهر ما البسها حفاظه ومرات احصلها بايله وانتي بكرامه بس فالليل كنت البسها ويوم اطلع البسها تميت جي حوالي شهر بعدين خلاص ما شتريت لها حفاظ ما البسه يوم نطلع وما البسها يوم ترقد والحمدلله هانت شوي شوي خطوه خطوه لوتسوين نفس طريقتي بيكون اسهل لج موفقه اختي*
انا ولدي خلصت معاه سالفة الحفاظ من شهر و شوي
عمره الحين سنتين و تسع شهور
بس الحمد الله ما تعبني وايد خذت له الحمام الصغير و نفس الشي مكافئات و هدايا لين تعود
موفقة
انتي وديه كل شويه وان سواها شجعيه وعطيه حلاوه
لازم في البدايه بيسويها ع نفسه مالج الا الصبر ,,تعليم الحمام يباله صبر
ترى الدور بيينا بعده ولدي 6 شهور وهذا البجر ..
