والله تعبنا من امراض لعشاق السياحة

فديتكم بنات كل مرة احط موضوع محد يرد علية بعلاج ولا شي انا بنتي عمرها شهرين الحين وزنها نفس ولادة ترضع ترجع انا اعطيها صناعي كانت فيها غازات كثيرة دكتور غير حليب سميلاك كمفورت سهل هضم كانت ترضع بدون ترجيع بس ترضع رقم واحد خليتها براحتها الحين صارها 3 ايام مرة امساك مرة يجيها اسهال الله يعزكم وديتها مستشفى عطاني حلول دوا مال مغص مافاد الحين كل ما ارضعها مرات تخلي حليب بطنها مرات لا مهم لازم ترجع تجلس تبكي ماتنام الا لما ترجع الي بطنها خمس مرات بيوم او اكثر تعبت والله غير ولدي وبنتي ثانية اسهال بلغم والله تعبانه الي يعطني حلول ارجوكم

روحي عند الدكتور محمد حجازي في الشارجه عند دور الساعه ووووايد زين …
وشكلهى بنتج فيهى غازات وااايد

اختي لازم تسويلها شاي ميلوبا للاطفال مرتين فاليوم ولازم بعد كل رضعه تحطينها عل كتفج

وتربتين على ظهرها حتى تطلع الغازات من حلجها

وبالنسبه للعيال اللي فيهم بلغم وقفي عنهم الحليب لانه يزيد البلغم

وعطيهم عسل طبيعي وبالتوفيق اختي

بلاعيم مب بلغم أوقف حليب يعني

جاوبني

اختي قولي الحمدلله على كل حال
اصلاً الحين موسم امراض والامراض منتشرة من الصغير للكبير حمى وبلاعيم وزجمة وحساسية واسهال ماشاء الله العايلة كلها والحمدلله على كل حال

اذا شفتي دكتور الاطفال مايفيدج غيرييييييييه،،، هذا الشي اللي تعلمته
بنتج عطيها حليب نوفالاك المضاد للمغص رقم واحد
المراضع لازم تتأكدين انهم معقمات ( يعني الخدامة تغسل المراضع ومعلمتنها كيف الفرشاة الكبيرة للمرضعة والفرشاة الصغيرة للحلمة والحلقة والغطاة،، بعد ماتغسلهم ايي دوري اغسل يدي بالصابون وارجع اغسل اللي غسلته بالماي واحطهم في جدر ماي يغلي واتركهم خمس دقايق واطلعهم بمساكة خاصة للمراضع واحطهم على صحن كبير نظيف،،، خلال دقايق ينشفون بروحهم اجمعهم واحطهم في كبت المطبخ) ولازم تغسلين يديج بالصابون قبل تحضير الرضعة مباشرة وعلبة الحليب من تنفتح حدها 3 اسابيع وارميها حتى لو بعدها ماخلصت

جربي حليب نوفالاك المضاد للمغص رقم واحد لمدة اسبوع وتأكدي انج بعد كل رضعة تحطينها على كتفج وتربتين على ظهرها بالخفيف وتمسحين لين يطلع الهواء ( الضرب القوي ممكن يخليها ترجع) ولا تعطينها حليب فوق حاجتها بس 60 مل تشرب شوي وتستفيد ولا تعطينها وايد وترجعه وماتستفيد!! وممكن في وسط رضعتها تجدينها

اذا سويتي كل هذي الاحتياطات وبعدها ترجع مع كل رضعة ممكن يكون عندها مشكلة في بواب المعدة
بس في هذي الحالة غيريلها لحليب نوفالاك المضاد للترجيع رقم واحد تلقينه في الصيدلية

لاتعطينها اي شي ثاني غير الحليب
الشاي بيوقف نموها لانه بيرويها وبيقلل شربها للحليب ( نصيحة المستشفى وتجربتي مع ولدي وتجربة اختي مع بنتها) بجري توقف نموه شهور وعقب انتبهت لشاي الاطفال وقطعتها نهائياً فرجع يزيد وزنه
ممكن بس تعطينها ماي التمر مرتين او ثلاث بالاسبوع
تاخذين تمرة وحدة وتغسلينها بماي دفاي وتطلعين النواه عنها وتخلينها في فنجان نظيف وتصبين عليها ماي مغلي وتتركينها عشر دقايق وعقب تصفينها بمصفاة ناعمة وتعطينها الماي اللي طلع عادي تسقينها بفنجان بعد ماترفعين راسها وتكون مقمطة عشان ما تلكم بيديها الفنجان