هلا
شو تغدون الصغارية في رمضان ..؟
عيش و روب
شوربة
تشوون لهم بيرجر
بطاطا
معكرونة
ياليت تفيدونا
انا عنديه ولدين 5 سنوات و سنتين مره اسويلهم عيش وروب ومره بطاطا وكشب يستانسون عليه ومره مكرونا بصلصه حمرا ودوم اعطيهم عصاير ولبن وفمتو كمشروبات وكحلو بسكوت .
هلا اختي.. انا عندي ولد عمره سنتين وشوي ربي يحفظه.. مرات اسويله عيش وروب معكرونه وبطاطا نجتس
ربي يسعد الجميع
ربي يسعد الجميع
احنا نسوي غدانا العادي مثلا صالونة دياي مجبوس لحم ..الخ ونطبخه بس ما نسوي العيش نسوي عيش ابيض
للصغارية مع الايدام مثلا عيش ابيض مع لحم او دياي او سمج
ووقت المغرب يشربون شوربة
والعشا يكون نجتس مع بطاطا او معكرونة او هريس
شكرا خواتي على تفاعلكم .. و نتريا المزيد من المشاركات ..
الا بسالكم .. حد يسوي خضرة لعيالة ..؟؟
للرفع
الصغارية يحبون البطاطا والجزر بس اللي يكون فالصالونة او صينية دجاج بالخضار