اليوم سرت عند الدكتوره .. شوفن شو قالتي عن شهد بنتي ..^^ سياحة الامارات

مرحبا خواااتي شحالكن

البارحه فالليل اتصلت بالدكتوووره اللي بفضل من رب العالمين .. وبسببها ع ايدها حملت

وخذت موعد ع اساس اليوم..

واليوم العصر سرت العياده .. طبعا انا حاجزه موعدين لي ولبنوووتي..

واول ما شااافتني عرفتني ووايد استانست يوم شااافت شهد بنتي

وطبعااا..

عقب ما كشفت عليه .. كشفت ع بنوووتي .. وهي ما شاااء الله عندها خبره فاليهااال ..

انزين ..وبعدين

قلتلهااا بان عينهااا اتظهر وسخ .. وما فاد وياها قطووور العين..
قالتلي انا راح اعطيج وصفه .. حتى دكاااترة العالم والدول الاوروبيه ما تقدر اتظهر الربع منه ..

عاد انا استغربت .. وقلتها كيف ؟؟

قالتلي اشتري من الصيدليه مال القطووور فاااضي ومعقم .. واغسلي صدري زين بالماااي والصااابون .. ونشفيه.. وعقبهااا اعصري فيه .. ولمده اربع اياااام وثلاث مرااات فاليوم اقطري ف عينهااا..
لان حليب الام فيه مضادات حيويه ..

وبعدهااا قلتلهااا بان فيهااا غازات ..وقلتلهااا باني استخدم دوا انفاكول قبل .. وبعدهاا صرت استخدم اليانسوون.. وقلتلهااا باني مرة قريت بان اليانسوون يسبب البلاهة

شو تتوقعن ردت فعلهااا؟؟

ضحكت لما قلتلهااا باني قريت بان اليانسون يسبب البلاهة للاطفااال.. وقالتلي الله يسامحج ,تتبلين ع اليانسوون خخخخخ

قالتلي اونه الانفاااكول خطير.. صح انه يهدي الياااهل ويريحه .. لكنه يضر بمخ الياااهل.. وقالتلي الانفاااكول لازم كل مره اتزيدين الجرعه عشااان يرتاااح الياااهل .. لين ما يوصل مرحله ان يكووون عليه خطير..
بصراحه عقب هالرمسه .. اول ما وصلت البيت امره عقيته ..

وقالتلي عشااان الغاااازااات
خذي ملعقة صغيرة يانسوون + كراويه+شمر

واغلي ماااي .. واصبه فهاااي الاعشاااب وعقبهااا اغطيه لين ما يبرد .. لان اونه اذا غليت المااي مع الاعشاااب ما يكووون منه فايده .. واذا ما غطيته ما يكووون بعد منه فايده .. اونه فوايده تظهر مع البخااار..

وعقب ما اغطيه ويبرد .. اصفيه ..

وكميه الماااي هي نص كوووب ..

وهالنص كوووب استخدمه 3 مرااات فاليوووم .. وقالتلي ما اعطيهااا فالمرضعه .. لانهااا اتسبب غازااات..

والافضل اني اعطيها عن طريق الابره او اقطرلهااا ف حلجهااا

وسالتهااا كيف ازيد كميه الحليب ف صدري؟؟

قالي كل 3 ساااعااات رضعيهااا.. وشربي واااايد سوائل .. اونه حتى لو كااانت راقده خليهااا اتنش ورضعيهااا.. هالشي بيزيد كميه الحليب فالصدر.. لان الصدر ينتج بس ع حسب ما يشفطه الياهل من حليب.. واذا تم يشفط وااايد الياااهل من الصدر.. صدرج بيتم ينتج حليب اكثر عشااان يسد رغبه الياااهل فالحليب..

وسلامتكم..

صبووعي عورني من الكتااابه خخخخخ

معقوله يعني انفاكول يسوي جي خرغتيني
ما عليه بنستمر على يانسون
مشكورة فديتج

معلوومات حلوة بصرااحه ..

تسلمييين فدييتج

الله يوفقج ان شاء الله
ويخلي لج بنتج يااارب ..

أنا وقفت اعطيها انفاكول ماأريد
أعودها على الادوية دامنه شيء طبيعي وأحسن اللي هو اليانسون

مشكوووره اختي ع الطرح والله يخلي لج بنوتج

وسلامه اصبوعح