تعالوا بسرعة لو سمحتوا سياحة الامارات

ولدي حرارته مرتفعة وايد فوق الاربعين
شو تنصحوني اسوي بما ان الوقت متأخر ان شاء الله باجر بوديه المستشفى بس حاليا شو ممكن أعطيه عشان تنزل الحرارة
والله مب هاين علي أرقد وهو في هالحالة
ومشكلته عنيد يعني الدواء مايشربه ولو عطيناه بالغصب ما يبلعه يرد يظهره

سويلة كمدات حطيلة ماي في فوطة ماي بارد طبعا وتمي كل شوي بدلي الفوطة واذا عندج ادول عطيه يوم بتين تعطينة لاتعطينة وهو قاعد اسدحيه وحطى الدوا وانشالله يصير بخير

او صح سبحيه اليوم بنتى كانت حراتها مرتفعة وسبحتها

مشكورة اختي عالرد والله يحفظ لج بنتج يارب
الحينه بسير أحط له الكمادات بس والله وايد زايغة عليه

السلام عليكم ورحمة الله وبركاته

اختى انا مره دكتور خبرنا وقال اكبر غلط الى يسوه الامهات في الامارات انهم يشربون ولدهم ادول وهم درجة حرارتهم عاليه فالافضل تحطين كمادات دافيه يعنى ما بين البارده والحاره واكبر غلط انج تحطين بارد لانه حراره عاليه تصتدم ببارد عادى يسبب العمى او اى شي ثانى بعد الشر عن ولدج والى قالت تسبحينه فانا اايدها بس بعد بماى دافى ولو تخلينه فيه افضل .