طمنوني دخيلكن ولدي مايمشي لعشاق السياحة

السلام عليكم

خواتي ولدي كمل سنة وشهرين ومب طايع يوقف حتى الا اذا اتيود بشي كل الي اصغر عنه مشو الا هو والله نفسيتي تعبانه

لا تخافين
عادي
وتفرق من ياهل ليهال
وبعدين انتي تقولين ترى يوقف اذا يتيود بشي
معناته ما عنده اي مشكلة ان شاء الله
على فكرة
انا بناتي ما يمشن الا اذا يكملن سنة وشهرين ويدشن الثالث بعد
فلا تخافين ولا توسوين
وربي يخليه لج

أختي ماعليه عادي دامه يقدر يوقف بس هويمكن مكسل أو يمكن خايف من أنه يطيح ….
أنا بنتي بعد سنه وشهرين ماتمشي بس أقول عادي لأني سمعت عن وايد عيال أتأخرو بالمشي والله كريم لاحقين عالركيظ وراهم …

عادي اختى ولدي كان جي كسووول

عادي اختي معظم اليهال ما يمشون لين ما يكملون السنه وثلاثه شهور

أختي عادي لاتخافين انا بنتي مامشت الا سنة وعشرة اشهر وبنت ربيعتي سنة وستة اشهر لانحاتين كل واحد ودمة

انا بعد اختي ولدها مشى يوم كان عمره سنه و6 شهور … لا تحاتين … إن شاءالله بيمشي … بس انتِ بعد دايما يوديه من ايدينه وحاولي تمشينه عشان تساعدينه ع المشي …