الا عندها عيال تساعدني بنتي عمرها سنتين وتسع شهور ومن خمس شهور وهي تسير الحمام عادي ولكن من أول امس هي ترفض تسير الحمام وتقول ماماه الحمام وصخ فتبول في ثيابها…
حاولت افهمها بكل الاساليب انه هذا غلطت حتى الضرب وضربتها ولكن للاسف ما شي فايدة وما اعرف شوه اسوي معاه ولا كيف اتعامل معها…
في كل شي تعاندني واحيانا تسوي نفسها ما تسمعني وانا ارمسها ساعدوني شوه اسوي معاها..
هلا اختى .. عموما الطفل من عمر السنتين إلى 3 سنوات يكون عنيد وهذا طبيعي
وحاولي .. تضبطين اعصابك .. وما تضربينها ,, لانها في النهاية هذي طفله ..
وحاولي معاها بإسلوب ثاني علشان ترغبينها في الحمام .. .. وهو مثلا ,,
بأنك تقوليلها يالله نروح نلعب بالماء .. واذا راحت الحمام وخلصت تصفين الها واتغنين ..
وعلشان تشجعينها اكثر ممكن تعطينها شوكلاته .. وشوي شوى راح تتعود
وانصحك اختى بشراء كتاب
نمو الطفل مع جونسون (طفلك)
من 2 الى 3 سنوات
من سلسة كتب الفراشة
راح يفيدج وااااايد في كيفية التعامل مع طفلك في هذا السن من جميع النواحي النفسية والاجتماعية
وكيفية مساعدة طفلك لاكتساب مهارات جديدة .. بطريقية صحيحة
والله المستعان
اليوم فديتج بديت معها نظام المكأفاة وجزاكن الله الف خير…
يعني بتتعود إنه إذا في شي تقدر تسويه لأحد بس ما وراه مكافأة ما بتسويه..
فلا تعودينها على هالأسلوب
أنا ولدي عمره سنتين تقريباً..
وكان يتعايز يروح الحمام
تخيلي يتخبا ورا الباب عشان يسويها
المهم مافيه يدخل الحمام لأنه الماي بارد..
الصيف كان يروح.. أما أحينه لأنه الماي بارد يخاف…
أولاً.. راويته إنه مستحيل أغسله بماي بارد..
والشي الثاني..
يوم كان يسويها في عمره.. كنت أقول له.. خلاص.. أنا ما أحبك.. رحتك وصخة.. أي شي..
فكان يعصب.. يقول.. ماما لا تقول ما أحبك.. هههههههههه
كنت أقول له إذا رحت الحمام بحبك وايد..
يربع يروح الحمام وايي وهو فرحان.. صفقي لي.. رحت الحمام…
وبهالطريقة تعود ع الحمام.. 