خواتــــي … ما أعرف كيف أبدى بالموضوع ,,,
بنتـــي عمرها شهرين واسبوعين تقريبا … صياحه لدرجه فظيعه يعني هي الحمدلله ما فيها شي
حتى لو ما فيها ارقاد او شبعانه أو البامبرز نظيف أتصيييح بس إذا كانت عندي أو عند أبوها تسكت
لكن إذا سرنا بيت أميه والكل يلعب وياها اتصيح صيااااح … حتى اذا كنا عند بيت عمتـــي اتصيييييح
شو رايكم هل هي تستغرب الناس يعني ولا شو؟
ويوم تسمع الحشره اتم اتصييييييييح … لأن عندي في البيت هدوووووء محد عندنا … لكن إذا سرت
بيت أميـــه (ماشاء الله ) اهناك حشره اليهال والتلفزيون اتم اتصرخ واتصييييح والله اتلعوزت وياها
حتى ارقادها خفيف … في حل ساعدونـــي بليز … شو أقدر أسويه دام انها صغيره اخاف عقب يوم
تكبر اتبهدلني …
أتريااااااكم ؟؟
بيتنا هااادي وايد وايد وتعودت البنت ترقد في جو هادي يوم اظهر اي مكان تنزعج واتم تصيح
وتخيلي اذا كانت راقدة في الحجرة مانروم نقول اق الا وهي ناشة!
فقلت ماشي غير حل واحد
احاول الاعبها عشان ماترقد الين ماحسها خلاااص سطلت ارقدها في الصالة واشغل التلفزيون وفي وقت عشا ( كلنا نتيمع عالعشا) وهي من التعب بترقد واكثر من مرة اسوي هالحركة وخاصة في بيت قوم ابوية ماشاءالله هناك حشرة ويهال وناس ( الله يحفظهم ) واخليها ترقد في الحشرة والحمدلله الحين احسن بوااااااااااايد
جربي هالطريقة وان شاءالله تتغير فطامي ^^
حرمه ولد خالي نفس الشي علمت بنتها ترقد فالهدوء فتره ال40 لانها كانت بيت امها وهناك هدوء الحينه يوم رجعت بيت اهل ريلها حشره اليهال عندهم ما شاء الله فبنتها طول الوقت وهي اتصيح لان مب متعوده على الحشره …
حاولي اتعودينها شوي شوي انها ترقد فالحشره عسب تتعود … والله يعينج لين تتعود
المشاركة الأصلية كتبت بواسطة الأنتيكة 
بيتنا هااادي وايد وايد وتعودت البنت ترقد في جو هادي يوم اظهر اي مكان تنزعج واتم تصيح
وتخيلي اذا كانت راقدة في الحجرة مانروم نقول اق الا وهي ناشة!
فقلت ماشي غير حل واحد
احاول الاعبها عشان ماترقد الين ماحسها خلاااص سطلت ارقدها في الصالة واشغل التلفزيون وفي وقت عشا ( كلنا نتيمع عالعشا) وهي من التعب بترقد واكثر من مرة اسوي هالحركة وخاصة في بيت قوم ابوية ماشاءالله هناك حشرة ويهال وناس ( الله يحفظهم ) واخليها ترقد في الحشرة والحمدلله الحين احسن بوااااااااااايد
جربي هالطريقة وان شاءالله تتغير فطامي ^^
بجرب طرقتج من باجر … مستعيله الاخت ههههههههه
مشكوره غناتي
المشاركة الأصلية كتبت بواسطة zoomyat حرمه ولد خالي نفس الشي علمت بنتها ترقد فالهدوء فتره ال40 لانها كانت بيت امها وهناك هدوء الحينه يوم رجعت بيت اهل ريلها حشره اليهال عندهم ما شاء الله فبنتها طول الوقت وهي اتصيح لان مب متعوده على الحشره …
حاولي اتعودينها شوي شوي انها ترقد فالحشره عسب تتعود … والله يعينج لين تتعود
هيه صدقج والله …متعوده على الهدوء
هيه بعودها ان شاء الله … مشكوره
لين خالتي لاعت جبدها منها هههه قامت تحط لها سبيس تون و ام بي سي 3 وطيور الجنه وتعلي شوي الصوت وتتم ترمس هي وريلها .. وتخيلي كل يوم تسير بيت امها وعاد هناك اليهال حدث ولا حرج .. المهم عودتها على جو الحشرهـ ..
الحين البنت اصطلبت هههه فديتها .. صارت متعودهـ ع الحشره وبروحها صارت اكبر حشره ههههه يمكن اذا صار هدوء تصيح بعد خخخخخ
حاولي كل ماترقدينها تعودينها على الاصوات يعني انا ولديه (الله يحفظه ) ارقده على صوت القرآن …
حاولي تعودينها شوي شوي ..