كل المفاجآت لأزواجكم؟؟ أنا بشارككم بحفلةღღولديღღ … بالصور…

ولدي الله يسلمكم عنده حفلة في الحضانة..
بدون مناسبة.. يعني مب يوم ميلاد ولا شي،، بس كل حد يختار يوم ويسوي حفلة باسم الولد أو البنت..

المهم،، أنا دورت أفكار لحفلات في المدونة،، وللأسف ما لقيت..
ماشاء الله القسم كله أفكار رومانسية للأزواج ღ
وهدايا للأزواج ღ
ومفاجآت للأزواج ღ
الله يكثر من ها المواضيع..

مادري…يمكن ما دورت صح..
فقلت خل أنزل موضوع أفكاري لحفلة ولدي، عشان أفيدكم،
وأتمنى تستفيدون من الموضوع..
أول شي،، للمدخل..
لوحة عليها صورته وهو راكب الخيل فديته..
لأنه يمووووت على الخيول..

أغراض لتزيين قاعة الحفلة

شوك وصحون للكيك..
ها السوالف لليهال عشان يلبسونها في الحفلة..
أحس أشكالهم بتكون خبااااااال…

وماسكات..
عجبوني ماسكات البنات.. دلع..

وهذا أكيد تعرفونه..
اللي يطلع منه قصاصات وأشياء صغيرة..

هدايا بسيطة للأطفال..
بلونين أزرق،، ووردي..
ها الأكياس خذتها من دايسو.. حلوة وكيوت.. وفي منها أحجام وألوان..
وحطيت فيهم حلاوة،، ومصاص وشوكولا..

وجمعتهم مع بعض في علبة بسيييطة..

صورة أقرب..

على جنب…

اللي يرجع ولدها من الحضانه..ومعاه من ها الأكياس تعرف أنها حفلة ولدي لووول..

وأخيرا..
الكيكة.. وعليها صورته..
من مستر بيكر…

وأكيد عصاير..
وفطاير..
وبيتزا..
بس نسيت أصورهم [/COLOR]
أتمنى تستفيدون من موضوعي…
واللي تدخل بليز تقول رايها..
وتدعي لي الله يخلي عيالي وريلي.. ويحفظ بيتي وبيوت جميييييع المسلمين..د

ماشاء الله الله يحفظلج أولادج وأبوهم ويجعل بيتكم عامر بذكر الله
الله يديم السعاده والفرح على قلوبكم

ما شا الله عليج مبدعه ربي يحفظكم من كل شر يارب …انزين ما خبرتينا شو هاذا الي على شكل اسماك على الاكياس ؟؟

ماشاء الله تبارك الله الله يحفظلج ريلج وابوهم