بنتي وحفظ القرآن لعشاق السياحة

أنا عندي بنت عمرها 2 وبعدها ماتعرف ترمس وايد يعني اتركب كلمه على كلمه لين نفهم شو تبا تقول
أنا خاطري احفظها القرآن وهيه صغيره بس ماعرف كيف لاني يوم اقرا كم كلمه عدالها تحاول اتغير الموضوع وتتجاهلني بس إذا رمستها عن شي ثاني بتركز
اللي عندها الحل لا تبخل علينا وكل ماشوف بنتي تقرا بدعيلها

انا بنتي عمرها سنتين وكنت كل ما اجول ايه اتغير الموضوع الين يتني فكرة… هي اتحب اتصلي وياي وكل ما فرشت السجاده يت ويلست عليه وكنت اجول جومي لا اتصلين واتجول بصلي وصرت اجول ما اتعرفين اتصلين وتجولي كيف وبديت في كل صلاه احفضها ايه الين حفظت سورة الاخلاص…. وفي كل صلاه اجولها كيف ايصلون وتوجف على السجاده وتجره سوره الاخلاص واتجولي شفتي اعرف اصلي.

فديتها ماشالله عليها الله يخليلج اياها
انشالله بحاول وياها هالطريقه بشوف النتيجه
مشكوره اختي عمرورج

جربي تحطين المصحف المعلم.. اكتبي في قوقل المصحف المعلم وشوفي. شي جزء عم لمشاري راشد العفاسي.. شغلي السورة في الكمبيوتر وخليها السورة تعيد نفسها..حتى لو هي تلعب .. مع الوقت بتحفظ لو كلمة أو كلمتين من السورة وكل ما تكبر بتحاول زيادة..إن شاء الله تفيد هذي الطريقة وياكن.. وأبا شي منكن محتاجتله ضرووووووووووووووووووووووووري.. دعواتكم الله يصلح عيالي ويقدرني أربيهم التربية الصحيحة..

مشكوووووره أختي ما عرف كيف ما فكرت بهالشي لانه بنتي يعيبها تعيد الرمسه من أي حد بس أنا تتدلع عليه واطنشني
ويزاج الله خير
والله يصلح عيالج وتربيهم التربية الصالحه..

أختي عليج بقناة العفاسي

بنتي عمرها سنتين الله يحفظها حافظة الفاتحة والاخلاص والاناشيد وتردد معاه الاذكار طول الوقت حتى وهي تلعب لا تغيرين القناة بنتي صارت مدمنة عمي مشاري واكثر شي جذبها فيه انه يشبه ابوها كلما يطلع تقول بابا وعمي مشاري نفس الشي تقصد اللحية
الله يحفظ ذرارينا وذراريكم ويجعلهم من حفظة كتابه الكريم
ترا انا ريلي محملني مسؤولية تحفيظ بناتي القرآن والله يقدرنا

الله يخليلج بناتج ويكونن من حفظة القرآن إن شاء الله

مشكوره اختي على مرورج وانشالله بحاول وياها وعسى الله يهديها انشالله وتودر الخبال