و كانت لنيان 3
المكان جميل جدا وهــادي يصلح للمتزوجين يديد و الي يريدون يحتفلون بمناسبة خاصة
لانه عبارة عن فلل صغيرة ومعها مسبحها و على الصحراء مباشرة
فيها طابع خصوصية بشكل كبير وما راح تشوفون حد لا بالصدفة و لا بالقصد ههههههههههه
يعني برااايفت بشكل كبير
حتى الرسبشن بعيد كان
لازم تركبون العربة صغيرة وتتوغلون هههههههههه
في 3 انواع من الفلل وحدة مبنية بالطين التانية على شكل خيمة و فلل صغيرة واحسن وحدة هي هدي الفلة
و هي عبارة عن غرفة نوم و حجلسة صغيرة قدام تلفزيون و حمام كبير
السعر كان حدود 3200 او 3500 شامل الفطور و الاسعار تبدا من 2024 وشي حسب علمي ممكن تكلمونهم وتعرفون
وهالمكان الي فيه الصحرا اسمه الوادي لانه التاني ياي على البحر فسالو على الوادي بخبركم فالتفاصيل ليش
الغرفة من داخل هالشكل
وشفتم اااااخر لايت طويل على الحايط هناك باب الدوش و الحمام
و اول شي يسالنوكم يوم تروحون هل انتم جيين لمناسبة معينة لانه ادا عندكم مناسبة دكرى زواج عيد ميلاد يجيبون لكم كيك و حركات
زين الجلسة الخارجية واكثر شي تستمتعون فيه
ليش قلت لكم الوادي لانه
في وايد افكار ممكن تسوونها هناك
وما راح تملون ابد ونبدا من الاسترخاء
نحن سالنا عن المساج و كان فووول بس قالو عادي يجون للغرفة ويسوون لكم مساج
و يجيبون سريرهم وياهم و شغل مرتب
في شي عندهم الي فالرسبشن قالت لي انه ما في منه الا عندهم خاص فيهم
وهو عبارة عن ران فورست
شرات الستيم بس فيه مداخل مختلفة والون و الماي شرات الدوش بس حجم كبير و تسوي مساج للكتوف و كل مكان شكل مختلف و ضغط ماي مختلف
طبعا مشكلتها انه مختلط بس يمكن انه تحجزونه لكم خاص لمدة ساعتين بس بدفعون اكثر
هو تقريبا حدود 250 وادا حجز لك ولزوجك يوصل الف وشي
ولو ما لكم خلق على الماي الحار و الستيم ممكن تستغلون المسبح الي عندكم طبعا عااادي محد حولكم
و الماي ساعه 3 و 4تكون داااافية
الي مهتمين باليــــوغــــا : عندهم انواع اليوغا للاسترخاء ونقص الوزن و افكار جميلة و انصحكم تجربون التجربة بتستانسون
بخصوص شو ممكن تسوون راح اكتب لكم لافكار و الاسعار و ما بتقدرو ن تسوونها فيوم واحد طبعا لازم تكونون ماخدين مدة
– تعلــــم الرمـــاية
– ركـــوب دراجات هوائية
– التوغـــل فالطبيعه (مراقبة الطيور والغزلان )
– استعراض الصقور
-ركوب الجمال
D8%A8%20%D8%A7%D9%84%D8%AC%D9%85%D8%A7%D9%84.jpg[/IMG]
– ركوب الخيل
و الــــــــي مهم تعـــــرفونه انه ادا ما تبون تكونون مع النـــاس يمكن تحجزون أي فكرة من الافكار بخصوصية
يعني تقولون لهم نريد بروحنا
ويختلف السعر
مثلا الرماية لو مع ناس 165 درهم للشخص
لو برافت بروحكم 275 للشخص
و في لليهـــال اسعار خاصة
والي يهمه سعر شي تاني يخبرني بقوله
اتمــــــــــنى تفيدكم التجربة
لكن ما فهمت من تقريرج ….
هل الصور من تصويرج والا هاذي دعاية ؟!
ان شاء الله لنا زياره عن قريب … بس نخفف الوزن لزوم السباحه 
قمة في الوناسة والرومنسية
تسلمين الغلا عالتقرير الغاوي