رحلة سفاري ^.^ لعشاق السياحة

شحالكن بنات وحرمات وعيايز سيدات الامارات …>><< (فديتكن اسووولف)

تاريخ 22/1/2017 كان يوم السبت …

ريلي يسألني وين تبغين تروووحين؟؟ في خاطرج مكان معين تبغينا نروووحله؟؟

وانا افكر وافكر وبعدين قلت له خلنا نروح رحلة سفاري (تقطيع في الرمل) ^.^

وكانت فترة امطار والاجواء حلوه وانطلقنا انا وبو الشباب في سيارتنا العزيزة..

وطبعا نسيت الكيمره في البيت وقلت حرام اضيع الرحله بدون تصوير فصورت بالفون صور على قد الحال علشان خواطركن …

اول ما طلعنا من البيت كان الجو صحو وشوي شوي تيمع السحاب..

هذا يبل مليحة

وبدأنا نتوغل في الرمووول..

هذا اسمه عرقوب الحصاه

وهذي من جهه ثانيه

بما ان رحلتنا كانت يوم السبت .. ويوم الجمعه كل الشباب يروحون الرموووول بدراجاتهم وسياراتهم المزوده

شوفن كيف صايرات العراجب من التقطيع

وطول الطريج اقوله متى بنوصل الحمراه متى بنوصل

(الحمراه اكبر عرقوب في منطقة الفاية )

وفجأة الا ونحن فوق العرقوووب ولعيونكن خذت كذا صوره

شوفن المنطقة من فوق كيف شكلها… وااااااااااااااو

وحبيت اوضح لكن ارتفاع العرقوب ومن حسن حظكن كانت عدالنا عايله ونزلوا بسيارتهم وصورت كذا صوره للتوضيح

اول ما نزلو.

ونزلو زياده

جربووو يوصلون ..

سوري بس الصوره مهتزه شوي

واخيرا وصلو تحت

بعلوووولي يعبي التواير وانا صورت لكن كم صوره ..

موترنا العزيز ^.^

انسدحت وسويت جك جك جك كم صوره وحبيت هالصوره ^.^

وبعدين قالي تعالي بنحفر وبنشوف الثرى لين وين ..

وأخيرا هالورده للي يدخلن موضوعي ^.^

وشوفن على يمين الورده مبين عرقوب الحمراه

سؤال لشاطره اللي بتقولي شو اسم شجرة هالورده ؟