هذي رحلتنا لفندق ديزرت بالم ,,,اللي كانت سبرايز لي عسب نحتفل بمناسبة معينة,, و انا طول الدرب اتحرى سايرين السوق الصيني و اخر شي كمل سيدة لين ما وصنا الفندق,,
الفندق عبارة عن فلل تتكون من صالة و مطبخ كامل و غرفة طعام وعرفة او غرفتين عسب ما تطلبون..
و على فكرة الفندق دووووووووووووم زحمة يعني اللي تبى تحجز من وقت و خاصة فالويكند زحمة و الاسعار تغلى بس والله يستاهل,,
اسعارهم تبدى فالايام العادي الليلة ب 2500 درهم و عادي توصل ل 3000 و هذا للفيلا بو غرفة نوم وحده اما اللي فبها غرف نوم اكثر تكون اسعار اغلى
و هذي صورة الفيلا,,
و هذا المدخل,,
ونجرب اكثر,,
والحين دخلنا للصالة,, الصاله واسعة وشرحه و كلها درايش كبيرة تفتح عالحديقة
و من الصالة تدخلون المطبخ اللي ورى الغنف عن طريق باب زجاجي
المطبخ نظام امريكي كامل بكل ما تحتاجونه من ثلاجات وفرن وبويلر وغيره
و من الطبخ فيه باب زجاجي تطلعون منه على يلسة فالحديقة
وهذي هي اليلسة
ونرد للصالة ,,,هذي طاولة الطعام,,طبعا المكان كله كان مزين بالور الجوري الاحمر
وهذا ركن من الصالة ,,حاطيلنا بالونات
تااااااااااااااااااااااااااااااااااااااااااااابع
تابع صور المسبح
والله الماي يزقر,,,اللي خاطرها تنط حياها,,لووول
وهذي صورة بالليل,,, مكان هادي و حلو
تااااااااااااااااااااااااااااااابع
حمام غرفة النوم الرئيسية.. و في حمامين غير بس حمامات عادية يعني مب زجاج
الحمام من الداخل
الممرات لباقي الغرف و الصالة..
غرفة النوم الثانية
ماي
تاااااااااااااااااااااااااااااابع
احدى الهدايا,,
و الحين صالة الفندق الرئيسية و الثيم كله خيول عقب بتعرفون ليش!!!
نافورة..
الساحة الخلفية
تاااااااااااااااااااااااااااابع
ممرات..
واخيراا الاكثر من رووعه وايد استانست علية ( ركن لتعلم و ركوب الخيل) وهذا سر الديكور
وتكون في مدربة خاصه للي ما يعرف يركب,, تركبين الخيل الساعه ب 200
الاسطبلات,,
باب الاسطبل,,, يحليهم كانوا رقود بس طبيت عليهم,,
من الداخل
و هالخيل فديته طلع لي راسه و خلاني ازخه
تاااااااابع
و قريت عالبوابة انه فندق الشيخة هيا حرم السمو الشيخ محمد بن راشد آل مكتوم..
والله مكان يجنن,,, لازم تجربونه و ادعولي
وهذي صور المطعم المطل على المسبح
عشانا
وعالصبح كابتشينو بالكريمة,,,
تم بحمد الله