خواتي شو رايكم بشهر العسل في جزر المالديف ؟
في شهر 12
كيف بيكون الجو ؟
تناسب المعاريس؟
وكمم ممكن نحط ميزانية لخمس أو ستة أيام ؟
بليز أبا ردود
لاني مووووووووووووول ما اكل الاكلات البحرية
بس بشكل العام جزر أكيد بكون أكلهم سي فود
بس ما عندي فكرة ف شهر 12 كيف الجو
ترى لازم تسوين سيييييرج لان عندهم موسم امطار
الاكل كله بحري الا لو بتاكلين من الكافيه باستا و ها السوالف بس ترى يصكرون الكافيه ف وقت العشاء و الغداء !!! و ممكن تاخذين لج سوالف من البيت
السعر يعتمد ع الفندق اللي بتحجزينه ترى الاسعار تتغير ممكن الليلة ب 2000 بيظهر عليج 10000 للفندق بس هذا مثال
ممكن تجوفين عروض داناتا عندهم باكج كامل مع التذاكر و التوصيل
وحدة اعرفها الحين في مالديف
مصورة burger و salad وجي
لا تحاتين الاكل ^^
جوفي ترا هالجزر مافيها شي غير البحر والرياضات البحرية (غوص، كاياك، تجديف إلخ)
والمأكولات تتنوع وغالبها بحري،،
والسبب مانصحج فيها هو أنه ما بيكون عندكم شي تسوونه وعادي تملين
وخصوصا اذا ريلج من النوع اللي متشدد شوي ومب عادي عنده تسبحين أو تلبسين شي مريح
لأني أحيد سرت وجفت حريم بنقاب والمكان حر ماشي مكيفات، وصح بتحصلين أماكن فيها خصوصيه بس مب خصوصيه لدرجه مد يجوفج
شي ناس تمر واذا كنتي تحاتين هالشي ما بترتاحين،،
وغير جي النشاطات محدودة والجزيرة تلفينها بيوم واحد!
نصيحة روحي أوروبا وخلي المالديف كشهر عسل ثاني