ابغي استفسر عن السفر لماليزيا شهر8.. هل تنصحوني? من ناحية الجو طبعا
وشو هي الاماكن السياحية اللي تستحق الزيارة في هالمدن الثلاث..مع العلم ان مدة الرحلة يوميا 8 ساعات
السؤال الاخير..كم تذكرة ماليزيا على االطيران القطري والماليزي والامارات..
المتوقع..الرحله بإذن الله من تاريخ 13 الى 23 -8
اتمنى من الاخوات وخاصه المجربات الافادة
اختي العزيزه… بخصوص جوا ماليزيا شهر ثمانيه هو نفسه جوها طول السنه.. هاي بلد استوائيه ..يعني جوها معتدل حار شوي (27- 32 درجه).. امطار وجوها يغيم خصوصا عالظهريه او العصر وبننانج مرات الصبح الفجر تنزل فيها امطار لانها جزيره بحريه…
يعني لا تحاتين الشهر اللي بتسافرين فيه ..كلها نفس الطقس طول السنه…
سلانجور هي ولايه جمب كولالمبور العاصمه ومابينهن الا شارع!!!! العالم كله يفكر ان سلنجور منطقه بعيده عن كولالمبور!! ههههههههههههه ..هي نفس لما تكونين بابوظبي العاصمه ,,ومصفح..ويمكن اقرب بعد..
سلانجور فيها اشهر شى فندق الصنواي لاجون وحديقته المائيه والمول حقه..كلهم مرتبطين ببعض..طبعا اذا رحتي ماليزيا اول ما توصلين روحي الصنواي لاجون في سلانجور وسكني بالفندق واليوم الثاني انزلي الحديقه المائيه ولعبوا فيها لين المساء.. وعقب لما تطلعون ( تقفل عالساعه 6 المساء) روحوا المول وتعشوا بمطعم طربوش العربي..اكله نظيف ولا مطاعم الوجبات السريعه.. ثاني يوم انصحج تتحركين الجزر..سافري بالطيران الخاص اير ايشيا على جزيره بننانج وهناك نصيحه لوجه الله قعدي بنفندق هوليدي ان …ليش؟ اولا فندق جدا راقي ونظيف وجديد وموقعه الاستراتيجي على البحر والالعاب البحريه البراشوتات..وبالمساء تنزل مشي مب بتكسي..على السوق الليلي والمطاعم العربيه رصه فيه عالشارع..يعني مابا تتخسرين شى مواصلات ولا شى..حتى مكاتب الجولات السياحيه بتلاقيها قدامج…
ودعواتج لنا يوم تسافرين ..
نصيحه سافري على الاماراتيه اقرب لج خصوصا وانتي بالشارقه..بتتعبون بالطريق..تراها سفره طويله ..7 ساعات ونص! زيدي عليها الدرب الي ابوظبي او قطر!!! وايد
بالنسبة لتكاليف المعيشة كيف اختي? غاليه ولا? لاني اول مرة بسافر لها..
الله يجزبج الخير صدق ساعدتيني 🌹والله ينولج اللي ببالج
