انا غطيت كل المناطق .. وتمت لي سالزبورغ وبادجاستن ..
شو تعرفون عن هالمنطقين النمساويتين؟ وشو رايكن فيهم ؟
منو سارت إلهم ؟
شو اللي لازم ما افوته او لازم اسير له ؟؟
الكل يمدح ف سالزبورغ ويقولون وايد حلوة ومشهورة بالموسيقى
طبعن انا عندي معلومات واهلي مب مقصرين خبره.. بس حبيت استفيد من خبراتكن ^^
ابا استفيد منكن ومن تجاربكن وخبرتكن 
اترياكن حبوباات
والسموحه ^_^
المدينة القديمه و اسواقعا وايد حلوه والقلعة و في قرية تبعد ساعة او ساعتين ما أذكر اسمها هاشتات لا تفوتيها روعة و فيها منجم الملح وايد حلو (دفعت التذكرة انا و زوجي تحت و ركبنا التلفريك و يوم رحنا ندخل قالو آسفين ما ندخل البيبي اقل من 4 سنين .. عيل ليش دفعتوني التذكرة ؟؟؟ّّّ!!! و زوجي دخل و قعد هناك ساعتين )
في مسرح العرائس حلو بس بدون اطفال نفس الشي دخلوني و بعدين قالو لانه البيبي مسوية صوت لازم اطلعي ؟!! بس العرض روعه
في بعد يخت .. يلف فيج في النهر .. مب حلو مب مسلي ..
بالنسبة للمطاعم .. انا جربت مطعم تاج محل .. سيء جدا من ناحية الاكل و الخدمة و نصب علينا بعد في السعرأضعاف الي في المنيو و طلبنا يراجعها و نفس الشي يعني نصب عيني عينك ؟!!
المدينة روعه و كنت ساكنه في زاخر المطل على النهر و نقضي اغلب الوقت نتمشى حوالين النهر و الجو حلو
أتمنى أكون أفدتج
احنا سرنا السنتر مالهم والقلعة وتمشينا في السوق وتغدينا في مطعم هندي اسمه Indian وعليه شعار الفيل، البرياني ماله لذييييييييييييييذ
ونهر السالزاك روعة
رحنا له يوم واحد وردينا زيلامسي
واظن انه يوم واحد كفاية حق سالزبورغ
حلوه ومب اول زياره لي لها ^^
عندج اهم الاماكن فيها
1. المدينة القديمة – محلات تحف وهدايا ومقاهي واسواق ومطاعم
2. قلعة سالزبورغ التي تقع على صخره "في الاعلي مقاهي"
3. نهر السالزاك
4. حديقة الميرابل
5. قصر وحديقة موزارت .
6. زياره حديقه وقصر هلبرون "العاب فنتازيا مائيه "
7. زياره حديقه الحيوان بالقرب من قصر هلبرون
وزياره موفقه خيتووو
الصراحه حبيتها اكثر عن فيينا
سوقها حلوو ومطاعمها بعد
و رحنا لكهف الملح روووعه وايد استانسنا تقدريين تسأليين الرسبشنن في الفندق وهم بيخبرونج عن متى وقت الرحلات وبيحجزوون لكم وبتي سياره تشلكم
وااايد ونااااسه