الحمدلله وصلت بالسلامة عقب سفرة لمدة شهر بين مختلف الدول،،،،، ومن بين ها الدول المانيا ،،،لكن ع كثر ما سرت المانيا اول مرة يستويلي ها الموقف هناك ومب عارفه منوا مر بها الموقف ،،،الله يسلمكم كنا انا وريلي طالعين من الكوفي الشوب وانا اتمشى اشوف المحلات ريلي اجدمني بشوي الا ايي واحد ويودني من جتفي يحاول يوقفني ويقولي الشرطة واجباري اني اوقف ،،، انا من الخوف واسلوبه اللي يخوف صرخت وربعت لريلي اللي مات من الخوف عليه
( مع انه دوووم كان يقولي تمي لاصقه فيني لا تسيرين بعيد واذا بتشوفين شي قوليلي بس لا تاخرين عنا)
يا الريال ويا وحدة اونهم من الشرطة وقالونا نبى نشوف اوراقكم الثبوتيه واجراءات ثانية مثل الجواز وكذا ،،، طبعن قالهم ريلي اذا تبون تشوفون الجواز تعالوا الفندق الفلاني انا نازل عندهم،،، لأن عادي يقولون الشرطة ويراونك ID WORK وتكون مزورة،،،، المهم بعد فترة من الكلام وياهم وقلنالهم بنتصل بالسفارة قالوا مافي داعي هذا اجراء عااادي خلونا نروح ،،،،، وشفناهم يسيرون بشكل عشوائي عند غيرنا ،،،، اتصلنا بالسفارة وخبرناهم بالسالفة قالونا مب بس انتوا وااايد ناس من فترة في المانيا بدوا يمرون بنفس الموقف بس زين انكم كلمتونا وكان لازم حد فيكم يتصل من بدا الموقف ،،،، واتاكدوا انا ما خلينا شي من اوراقنا الثبوتيه وياهم ،،،
خواتي اللي عرفته انه بالذات المتحجبات يتعرضن لها الموقف،،، حبيت اخبركم انه ساعات البنات يطلعون في جروب وما يكون وياهم ريال هنا الموقف يكون اصعب مهما كان يوم يدخل الريال يكون احسن
وانشاءالله تسيرون وتردون بالسلامة،،،
وربي يحفظ اليميع
وسلامات^_^
غريبه نحن بعد على كثر ما سافرنا المانيا ما قد استوالنا مثل هالموقف !
و احياناً نسير السوق قروب بنات بروحنا و كلنا متحجبات و بعضنا بالعبي بس محد اتعرضلنا ابد
بس زين انكم ما عطيتوهم اي اوراق تخصكم و خبرتو السفارة لأن شرات ما قلتي شو اللي يضمنلج انهم من الشرطة ؟ و احتمال مزورين البطاقة
بس ما خبرتينا وين في المانيا مستويه هالسالفة ؟
ومشكورة اختي على التنبيه
المشاركة الأصلية كتبت بواسطة أم خالد الحلو 
وربي يحفظ اليميع
وسلامات^_^
الله يسلمج الغاليه
بس بسألج انا بسافر ان شاء الله شهر 7 وبغيت أتاكد اذا شي اجهزة الكشف في المطارات هناك ..
المشاركة الأصلية كتبت بواسطة الغر الحشيم غريبه نحن بعد على كثر ما سافرنا المانيا ما قد استوالنا مثل هالموقف !
و احياناً نسير السوق قروب بنات بروحنا و كلنا متحجبات و بعضنا بالعبي بس محد اتعرضلنا ابد
بس زين انكم ما عطيتوهم اي اوراق تخصكم و خبرتو السفارة لأن شرات ما قلتي شو اللي يضمنلج انهم من الشرطة ؟ و احتمال مزورين البطاقة
بس ما خبرتينا وين في المانيا مستويه هالسالفة ؟
هلا الغر الله يسلمج
حتى نحن ع كثر ما سافرنا ماجد استوالنا ومنصدمييين وقلنالهم نحن متعودين نيي المانيا مب اول مرة بس من القنصليه قالوا حتى هم استوتلهم المواقف هاي
وكلنا الله يسلمج طالعين من ستار بكس اللي في الهابنهوف نبى الاندرجراوند محل muller واستوى الموقف ووالمصيبه الريال كان يتحسب في المارين الموقف حتى كان ريلي بيرد لشيء في المارين كنسل وقال بياخذ الشيء من فرنسا لأن كنا نهار ثاني بنطلع ع فرنسا والمصيبه اتقولهم من دبي ولا عليهم بس في سالفة الاوراق الثبوتيه تحذروا تكون عندهم كيمرا يسون scan ع الشيء اهم شيء تتصلون بالقنصليه