يا بنات وحريييم(خصوصا حريم) البحرين
نفكر انا وريلي و ولدنا الصغير (ولدنا شو عرفه في التفكير؟) خخخخخ
المهم نفكر انيكم لمدة 3 ايام..
شو الفنادق اللي تنصحونا نسيرلها
فندق مب غالي لكن خمس نجوم..
مطاعم حلوه وعائليه..
مراكز..
الصوغات من وين وشو شي موجود عندكم ما احصله في بلادنا عسب اخذ منه صوغات؟؟
امممم في فنادق عندكم فيها مسابح خاصه؟؟ شو هي؟؟
هممممم السموحه على الطلبات.. بعد شو محلات الاطفال المشهوره عندكم..
شو دقات الذهب اليديده؟؟ ولا الذهب غالي لاه؟؟
الغاااليه البحرين.. (( مجمعاااتهم كلها حذاااال بعض)).. وعلى الشاااارعين… يعني مابتضعين..
وعندهم سوقهم الشعبي. (( نسيت أسمه)) عندهم شغلاااتهم التراااثيه… (( يعني هذا غير عنا))…
وبالنسبه للسكن.. (( نحن يوم أنسير نسكن فـــ شقق مفروشه في منطقة (( المعارض)) أـذا مب غلطانه!!
والذهب ماعندي فكره عنه… (( بس الذهب البحريني عجييييييييييييييب
… خذيليج لو شيء بسيط منه…
وبالنسبه للمطاااعم.. (( عندج مطعم أيراااني ع البحر.. روعه.. )) فيه يلسااات ع البحر خاااصه في خيم…
وفي يلسااات داااخل الممطعم.. وأكله لذيذ…
وبعد مطعم عوووود على الدواااار (( والله ماأذكر شو أسمه)).. نفس الدرب اللي يوديج صوب المولز… مطاعم الفاااست فوووود منتشره فــ كل مكااان..
وبالنسبه للحلويااات البحرينيه.. (( عليج بــمنطقة محرق)).. حسن شويطر.. ماعليه كلااام..
ورحله سعيده…
وأنشاء الله البناات مابيقصرن وياااج… فــ الأفاااده
أنا بعد سايرة البحرين من تاريخ 18 ديسمبر لين 21 ديسمبر (حجزنا في شقق الماريوت)، بس بغيت أعرف شو الأماكن السياحية في البحرين مع أوقات الزيارة؟ وإذا حد عنده فكرة عن الرحلات البحرية لنص يوم وين أقدر أحجزهم؟
المشاركة الأصلية كتبت بواسطة مــــيره دبــي 
… خذيليج لو شيء بسيط منه…
مشكوره على الافاده
بس شغلات وايد ما تذكرينها،، المطعم اللي على الدوار قصدج (الفردوس)
السوق الشعبي قصدج: باب البحرين
والذهب اذا غالي وايد ما بخذ شو كالفني!!
شو اسم المطعم الايراني؟؟