بصراحة ما اتوقعت ان طيرات الاتحاد جي خدمته بصراحة زفته خدمته كنت مسافرة على طريران الاتحاد لماليزيا انا وريلي وبنتي عمرها سنة واربع اشهر تاريخ5/8 وكنا حاجزين على درجة البزنس عسب ايوفرون لبنتي سرير ونحن من قبل حاجزين سرير بس يوم ركبنا الطيارة صراحة انصدمنا لا شي سرير ولا هم يحزنون وتمت بنتي قاعدة عندي سبع ساعات اتخيلوا كيف !!!!!!!!!!!!
وفالردة غيرنا وحجزنا على الدرجة السياحية مع السرير لبنتي وكانت بتاريخ 16/8 وبعد نفس الحالة لا شي سرير لبنتي ولا هم يحزنون , يعني بالعقل نحن ليش يدفعونا حق اليهال تذكرة وهم ما يوفرون الهم شي , والشي الثاني اللي انصدمت منه انه كانت ويانا عايلة اجنبية فنفس الطيارة يوم رادين البلاد وكل شي موفر الهم حتى وجبة اليهال مالهم غيييييييييييييييير ويوم قلت للمضيفة اتييب لبنتي وجبة يهال يابت لي شي غير مب مال يهال ولا شرات وجبة اللي عطوها لعيال العايلة الاجنبية حتى الحين كاتبين فيهم تقرير والله اعلم شو يصير
عيال الاجابنب يهتمون فيهم بس نحن لا
حسبي الله ونعم الوكيل
الواحد يدفع 20 الف درهم واخر شى خدمته زباله انا ما ارضاه على نفسى والله المستعان
يعني حطي في بالج لا درجة اولى و لا بزنسس و لا درجة سياحية كلهم مصخرة حرام تدفعين مبلغ وكذا وفي الاخير نفس الخدمة
ههههه هم ايضحك وهم ايبكي
يكنسلون الحجوزات على كيفهم
لا و الطياره حاره المكيفات مب شي
طيران الامارات احسن بالنسبه لي
بس يمكن السالفه حظ !!!!!!!!!!!!!!!!!!! ما يندرى 