شخباركم بنات ؟ ان شاءالله بخير ؟
انا بنت خلصت المدرسة من سنة تقريباً و قدمت لجامعة الامارات في العين ولكن للأسف ما قبلوني للمرحلة النهائية ! 
يا بنات انا نسبتي 87% و انا الحمدلله اموت بشي اسمه دراسة و رياضيات و كان حلمي من الصغر اكون مهندسة
والله لو وضع ابوي يساعد جان رحت اي جامعة حتى لو كانت ارخص جامعة بس ابوي مب قادر على مصاريف الجامعة
والله اني ميتة من القهر من هالسالفة و كل يوم اتعذب و اصيح بالليل
كان حلمي انهم يقبلوني بس ماقبلوني و مع هذا جسنيتي غير عربية يعني وضعي وايد صعب
حاولت كل شي اتصلت بالسفارة قالو نحن ما نقدر نسوي شي ، سويت كل اللي علي لكن مافي فايدة
قالولي لازم واسطة و انا ما عندي واسطة
والله لو مب محتاجة ما كنت كتبت بالمدونة ، بس اللي تعرف اي شخص عمده واسطة او يقدر يسوي لي شي عشان ادخل جامعة الامارات يساعدني لأن هذا حلم حيياتي و حاسسة انه بينتهي جدام عيني
و شكرا و الله يوفق الجميع ..
اختي ف الله
رددي دوم
حسبنا الله سيؤتينا الله من فضله إنا الى الله راغبون
حسبي الله لا إله إلا هو عليه توكلت و هو رب العرش العظيم
وكثري من الاستغفاااار
وان شاء الله بتتسهل كل امورج ف القريب العاجل بإذن الله
الله يجدملج كل خير اختي
ليش ما تشتغلين ؟
و من فلوس شغلج تدخلين جامعه عالاقل
وممكن تساعدين اهلج بعد بهالفلوس
انتي كبيره
اول شي دوري شغل
و من شغلج اشتري سياره ع قدج
و جذي يعني
خطوه بخطوه
لا تيآسين
فكري عدل
و حطي لج نقاط عشان توصلين هدفج
فوق هذا صعب جددددا القى شغل خصوصيا بجنسيتي صعب القى شغل لي ، و تخيلي اشتغل
متى ادرس و متى اشتغل و متى الحق على البيت و متى و متى !!
و فوق هذا اساعد ابوي تتوقعين معاشي كم بيكون لو حصلت شغل ؟ بالغصب يمكن اقدر ادرس الجامعة !!
انا افكر بالشغل بس ابي حد يساعدني بموضوع جامعة الامارات عشاان اقدر احقق حلمي
شو رايك؟!
حاولي اختي مثلا تاخذين دورة انجليزي وكمبيوتر من اي معهد ودوري شغل بسيط وسجلي بجامعة خاصة
او حاولي تقدمين منحة لجامعة الشارقة يمكن يقبلونك وشرحي ظروفك لجمعية الهلال الاحمر
انا اختي مثلك كنت اصيح وافكر اني ماراح ادرس وجي بس الله فرجها من عنده
بس مشكلتي في الشغل لاني فئة البدون مب ملاقية شغل رغم ان عندي شهادة
تخيلي اختي
اعرف ان الشهادة مهمة بس الخبرة والعمل اهم اختي
و كيف اراسل الهلال الاحمر و شقول ، انا مادري بصراحة