أبي معلومات عن كليه فاطمه الصحيه ! تعليم الامارات

للرفع

– آنا سمعت بس عندهم بكالوريوس تمريض ، والباجي
كلـه دبلوم ،،، !

أذا سجلتي في الكليه بتكون عندج شهادتين بأذن الله ..

1- باكلوريوس في التمريض ( من جامعة جريفيث الأستراليه )

2- باكلوريوس في العلوم الصحيه ( من كلية فاطمه للعلوم الصحيه )

التخصصات الثانيه بتنفتح جريب اوردي علوم صحيه دبلوم سنتين مفتوح وباقي تخصصات صيدله , مختبرات واشعه بعضهم بكالوريوس وبعض دبلوم

– بالنسبه لهآلشي ماشي تخصصات يديده بتنطرح عالعام اليديد ؟

سالفة التخصصات بتنفتح قريب باذن الله ..

بس الحينه التركيز ع التمريض وتطويره ..

لان الدخاتر بحاجه كبيره للممرضات ..

ودراسة التمريض تفتحلج ابواب كبيره في المستقبل وتخصصات اكثر ..

أما عن التخصصات اليديده فابشرج ان كلية فاطمه افتتحت تخصص يديد

بمعايير عالميه ايضا وتمنح شهادة الدبلوم ومدتها 2 سنتين ومع سنه تأسيسيه في حال الطالب احتاج الى أنجلش ..

واذا تبين تستفسرين اكثر عن اي شي في الكليه ترومين تزورين الكليه او تتصلين

– والشي الثاني أبي أعرف كيف الدرآسه هناك صعبه ولا سهله ومن ناحيه الضغوطات وجي ؟

الدراسه اصعب من باقي الجامعات بس بتضمنين انك بتدرسين تعليم بمعايير عاليه يكفي شهاده من استراليا ووظيفتك باذن الله بتكون جاهزة اول ما تتخرجين , دراسه يبالها شد حيل

– و هل التأسيسي عندهم مواد وايده ولا بس انجلش ، ترآ
آنا يايبه 5.5 فالآيلس و إذا يبون ايب 6 عشان ما أدرس
التأسيسي فالانجلش إن شالله أروم اييبها لهُم؟

حبيت اقولج ان لو درستي الايلتس اكاديمك ويبتي الباند 5 بيكون شي في مصلحتج عسب يقبلونج ونا اختي يابت ال 5 اكاديمك وقبلوها في سنه ثانيه

– وهل بيقبلون خريجه من العام الي طاف نفسي ؟

هيه عادي حبوبه عندنا بنات متخرجين فوق 5 سنوات من ثانويه وقبلوهم

– وكيف الدكآتره هناك ، يعني طبيعه الكلاسات والدوام ؟

عندنا دكاتره عرب واجانب وفي حريم ورجال وكلهم اوكي ويساعدونج في دراسه اهم شي ان الوحده تظهر اهتمامها بالدراسه
اول سنتين نظام حصص وعقبها نظام محاضرات وبتبداين تدريب مستشفي

– وعدد السنوات في الشغل بعد التخرج وعدد سنوات الدرآسه ؟

سنوات دراسه من 5 – 4 على حسب اذا دشيتي سنه تاسيسيه
وسنوات خدمه 3 بعد تخرج

– و في امتحان قبول ، إذا في ف شوو انجلش والا بعد مواد ؟
امتحان القبول يقيس مستوى الانجلش بشكل عام ما يخص قواعد اللغة وبس .. الكتابة والمفردات وكل شي.
انا يوم امتحنت يابولنا نكتب عن نفسنا وطموحنا اما التفاصيل صراحة ما اذكرها
وفي بعد امتحان رياضيات وعلوم كله بسيط نفس ثانويه بس بالانجلش
بالنسبة للمقابلة .. تكون بالانجلش والاسئلة عامة تقريبا نفس امتحان السبيكنج مال الايلتس

– في شغله مهمه بعد ، هل السنه الي درستها فالجامعه بيحسبونها لي وإالا عالفاضي ؟

على حسب شو درستي ها سنه

رفععععععععع

سبحان الله وبحمده
سبحان الله العظيم