للحين ماردو علي التعليم العالي

مرحبا خواتي وزميلاتي في التقنية >>>>> اذا الله راد انشاءالله
اللي تعرف موضوعي السابق بتفهم العنوان

للحين التقنية ماردو علي بخصوص قبولي عندهم للعلم اني من دفعة 2024 وابغي اكمل عندهم وباقي تقريبا 11 يوم للدوام في التقنية

حد يرد علي ويطمني او ع الاقل يقولي شو اسوي

انا كنت ادرس في التقنية ووقفت العام سنه ورديت قدمت عشان ارد السنه ولين الحين ما ردوا علي وكل ما اتصل يقولون إتريي لين نهاية الشهر إذا اتصلنا فيج معناته انقبلتي .. يعني بتم اتريا اتصالهم وإذا ما اتصلوا معناته ما قبلوني
ياليت حد يفيدنا …

حبيبتي إتصلي فيهم و إتواصلي وياهم .. شوفي شو بيقولون لج ..

خلي حد كبير من هلج يروح لهم و يشرح لهم ظروفج الي ما خلتج تكملين تعليمج يوم تخرجتي ..

ربيعاتي الي بالتقنية يقولون إن الدراسة فيها متعة متعة متعة من الخآطر ..

أتمنى لج التوفيق

و إن شاء الله موفقــة الغالية ..

نفس سكون دبي اتصلت لهم وقالولي بنتصل فيكم يا شهر 8 او اول سبوع من سبتمبر والحين شهر 8 ماتم شي وبيخلص وكل مايقرب شهر 9 احس بخوف زياده لان للحين ماشي خبر افكر اسير واكلم مسؤولة التسجيل عندهم استاذه مياده بس مشكلتي ارتبك خخخخخخخخخ ياربي والله هم ع قلبي

انا بعدي ما تخرجت من الثنوية

بس اللي اعرفه انهم بس يقبلوا خريجات السنه الحالية

و بقولوا لج اذا لقينا لج مقعد بنقبلج و اذا ما لقينا تري للسن اليايه

و جي

دخلي جامعه خاصة احيسن لج ^^

حلا تراني بعد التخرج درست في كلية دبي للصيدلة وانا ابي اكمل عندهم لاسباب
انا انقهههههههههههههههههر يوم يقولون اذا في مقعد واذا مافي والله مستعده اييب كرسيه وياي انشاءالله لو ع الارض المهم اني اكمل دراستي الخير وااايد في البلاد والشيوخ مايقصرون ليش يعني جي يعني الحين اذا بغت البنت تكمل دراستها ويت تقدم مايقبولنها وخاصة اذا كانت مواطنة يمكن كان عندها اسباب ووقفت دراستها او ماقدرت تكمل بعد التخرج ع طول والحيت قدرت خلاص ماشي فرصة عيل وين الاهتمام بتعليم المرأة حرام جي يعني اذا ماقدرت دش جامعة خاصة شو تسوي ماتكمل ؟؟؟؟!!!!!!!