بدش على المضوع عطول ومع ان هاذا اول موضوع لي فالمدونة, انا عمري 15 في اول ثنوي (عاشر) ودشيت الثانوية الفنيه عساس انهم يو مدرستنا الاعدادية وفسرولنا عن الثانويه الصراحه عيبتني ودشيتها بس احس انها مب عايبتني يوم عرفتها اكثر وجي احين اقولكم ليش دشيتها:
-لانه كل موادهم بالانجلش ما عدا العربي والدين حتى الكيمياء بالانجلش عسب يوم امتحن ايلس اكون عارفه كيف احله
-يقولون شهايد هالثانويه تقدمج سنه من تخصصج فالجامعه
-والثانويه هاي فيها تخصصات من (هندسة,صحه,بزنس,اعلام) والمشكله ما اعرف شو ادش محتاره بين الهندسة والصحه!
-والمشكلة الاكبر انه قبل في المدارس الحكومية اقدر اييب نسبه فوق التسعين بسهولة يعني ماي!! اما هني اشطر وحده فعواشر يابت ال88% وانا ما ارضى اتخرج من الثانوية ونسبتي اقل من ال90
-وهال مدرسة تقريبن تشبه معهد التكنلوجيا يعني ما اقدر اطلع منها الا اذا ما تخصصت والتخصصات تبدا من ثاني ثنوي
-حبيت ازيد انه في هالثانويه نستخدم الايبادات للدراسه يعني متطورة وللاسف في بعضنا يستخدمها بشكل سلبي..
يا جماعه والله محتارة 
الي يمنعني اني ما اطلع منها اللغه والشهايد! والي خايفه منه النسبب 
وعاد لا تقصرون فيني 
توني كنت أقرى موضوعج عن الديسك ربي يشفي الوالد
عزيزتي حاولي انج تجتهدين في الدراسة ،،، و حطي في بالج
إني لازم ادرس و اتخرج و نسبتي ما تكون اقل عن التسعين
لاني أبغي اكون مميزة و مجتهدة ،، و ارفع راس اهلي
و اتفوق على الجميع ،،،
ومثل ماقلتي كلامج نفسه كلام بنتي سبحان الله احس كأن بنتي تتكلم
والانجليزي بشكل عام في حال كنت حابه تكملين في الحكومه ممكن تاخذين معهد انجليزي في وايد معاهد تدرس انجليزي …. اذا المقصود اللغه
انا كنت في مدرسه خاصه فيها انجليزي بريطاني وامريكي مشكل المنهج ومنهج الحكومه كنا ناخذ يوم دشيت جامعه عجمان كان كله انجليزي
والحين حابه امتحن سات و ايليس …..
فاتصور بقاءك في التقنيه احسن لك ……….. والعلم عند الله
بس لازم تدرسي اكثر اختي وحاولي لو تحصلين مدرس خصوصي ……
بس المناهج الماي تركيها …. لازم تقوي نفسك
بالتوفيق
اذا هيه ف وجودج فالمعهد ماله فايدة ارجعي للثانوية العادية
واضمني النسبة.
أم اذا أنتي تبين تدرسين طب أو هندسة وناوية تكملين دراستج برع الدولة
ف انتي محتاجة هالانضباط والضغط الدراسي
موفقة يارب و شدي حيلج