الله يخليكم تساعدوني انا كنت اشتغل بالبيت بروحي ما أحب الخدم واهتم ببنتي بروحي اطبخلها واطبخ لنا بعدين حملت وقال ريلي بنييب خدامة يبت وحدة مسترجعه وهلكتني ما تعرف شي أبدا صح كانت تنظف بس اسلوبها استفزازي وأيد وباردة واتحملتها 10شهور بس وقالت بسافر وسفرتها بعد ما تعبتلي أعصابي وغير تعب الولادة سرت كفلت وحدة اندونيسية من West Java ومشتغلة بس ما تبي تهتم ببنتي وتقابلها لأَنِّي عندي يأهل وأبغي حد يساعدني عليها ويحاول يطعمها ويلعب وياها هي زينة وعندها خلفيه عن الطبخ بس انا بروحي اطبخ عادي بس ابغي حد يساعدني علا الطبخ واليهال ولما نروح نطلع او اخلي بنتي بالالعاب المشكلة انها ما تسمع زين اذا تناديها وأهلي جربوها المشكلة أني برجعها بييب اندونيسية بس ما اعرف كيف تكون المشكلة الثانيه لما اروح عند اهلي عندهم خدامه من 10 سنين تخرب الشغالات وتحرضهم علا أهل البيت ولسانها طويل فتخربهم ومب عارفه شو أسوي
شو تشورواعلي؟وشورأيكم؟
انتي ان شاءالله ربي يقومك بالسلامه ويتمم لك على خير
اول ماتجبينها لاتدلعينها اكرفيها كرف وعلميها الطبخ وهاي كله بفتره التجربه ان ناسبتك جلسيها وان ماناسبتك رديها
شوفي الغاليه من البدايه خبريها بالتفصيل شو شغلها
وانها بتطبخ وبتنظف وبتساعدج باليهال
لا تشلين عنها شي يعني تساعدينها اكثر من انج تعلمينها
بعدين معا بطيع تباج تتمين ويها علا طول بكل شي
وشوفي اذا حبت الشغل ولا قامت تستهبل ماتبا رديها وبعدها
بالثلاث الشهور وبعدين الي يبين انج عايشه بروج يعني شغلكم
خفيف عايله صغيره
وخدامت امج هذي زين قلعتها بدال ماتصون العشره يالسه تخرب الخدم
حاولي ماتختلط شعالتج فيها باي طريقه
اما انا عندي شقة صغيرة ونهاية الأسبوع أسير ملحق صغير غرفة وصاله وحمام ومطبخ حتا فالويكند ما نطبخ والطبخ انا اطبخ ريلي ما يحب طبخهم بس حد يساعدني لأَنِّي عندي ياهل وبنتي حليلها اوديها الحضانه يعني ماشي شغل بس ما ادري ليش يتبطرن بس اذا طلعنا ابغي حد يساعدني علا ترتيب شنط اليهال وممكن اتابع البنية وتلعب معها اذا انشغلت ولا تناولها شي
واذا مضطرة خليها عندج مجابلتنج ولا تقعد عند الخدامات
والله يكون ف عونج
لانه حالتي شراتج انا حامل وجريب بولد
وما عندي خدامه وصح شقة بس الشغل وايد متعب
والله يعينا جمييع!