آه.. ثم آه .. ثم آه
من الخدامات
أخواتي
موسم الخدامات و مشاكله لم ينته بعد
الزبدة
نبا خدامتين جدد
فـبليز بنات و حريم و سيدات
اللي تعرف مكتب اييب خدامات بسعر أرخص من غيره من المكاتب تذكر اسمه
سمعت في مكاتب في العين..وأنا مابا في العين
بغيت مكاتب يا في أبوظبي أو عجمان أو دبي أو الشارقة ..بس السبب لأنا من سكان بوظبي و متعودين نييب من دبي و عيمان
فياريت لو الأخوات يعرفون..
و أنا أعرف إنكم ماشاءالله مابتقصرون
في مكاتب تييب بـ 3500 و في بـ3000 و في بـ4000 و في بـ4200 و هكذا..
و في مكاتب تطلب من الكفيل ما يدفع أول شهر للخدامة
و في مكاتب أول شهرين
و في مكاتب أول ثلاثة أشهر..
و في مكاتب تسوي مشاكل.و واحد منهم مكتب القبس في دبي مادانيه مول سوا لنا مشكلة و خالتي عانت منه نفس الشيء مع إن وايدين اييبون منه لكنه مستقوي وحاط محامي علشان محد يقوله شيء..
و في مكتب الدانة في بوظبي ممتاز بس غالي تعاملت معاهم بصراحة و فيه أندونيسية ممتازة تأدب الخدامة و تتفاهم وياها إذا ماتبا تشتغل أو أو..
بس مشكلتهم ماعندهم خيارات وايدة..ثلاث أو أربع ملفات و بس
في دبي وعيمان ملفات شكثر عندهم..
الزرافة في بوظبي اللي عنده أغلبهن كبار في السن..
أنا برحل الفلبينية اللي عندي هالدبة اللي ماتروم تشتغل و بييب بدالها 2 ..فلبينية و أندونيسية..
فعطوني رايكم في أرخص مكاتب الخدم..
تصدقون..وأنا أدور الصور حصلت مكتب خدم..بشوفهم يمكن اييبون أرخص من المكاتب اللي في البلاد 
https://www.carematch.ca/qualified_candidates_page3.html
ان شاء الله البنات يفيدونج
و سؤال فلانة و علانة
أخذت من خالتي رقم فلبينية تيب من الفلبين عاملات و ماتدفعين لها إلا:
( معاش شهرين+ تذكرة الخادمة + و فلوس الأوراق من فيزا و هالسوالف )
يعني تقريبا بتكلفكم 3 آلاف و شوي
و تضمنها لكم حسب كلامها
إذا مريضة أو فيها علة ترجعها
و خلوا رياييلكم يتصلوا يكلمونها أحسن
أنا خليت زوجي يكلمها و بتيينا البيت و بتيب لنا صور و تقول عنها سي دي
لأني حبيت هالمنتدى و حبيت أخدمكم و انتوا بعد ماتقصرون
اللي تبا رقمها تكلمني على الخاص و حاضرة
أختي استفهام.. يزاج الله خير على المعلومة
بس تبين نصحية مجرب.. الأفضل أتييب الخدامة من مكاتب المتخصصة للخدم..
لأنهم هو يتحملون مسؤولية الخدامة من فحوصات.. من أجراءات قبل ما توصل..
و في حالة لا قدر الله ماعجبتج أو شردت .. هم يتحملون المسؤولية و أييبون بدالها بدون ما تخسرين شي.
أنا جربت أييب من خلال الشغالات الثانيات.. و يعطنج ضمان 100%.. بس كله جذب.
برسلج رقم مكتب.. وحده من الأخوات يزاها الله خير أرسلته لي.. و تمدحه في دبي
وايدين ياخذون من عندها
و ألف شكر أختي ماتقصرين
وصلتني رسالتج على الخاص
الله يخسهن كم ياكلن
ههههههههههههههه
ماعندج خدامة؟