بنات عندي ربيعتي توظفت قريب وعندها عيال صغار يابتهم ورا بعض ماشا الله وانا قلت لها لا تتركين بيتج عشان وظيفة دام ريلج مقتدر والحمدلله هي مارضت على اساس انه كياني وما كياني برغم اني خبرتها في النهاية بتتعبين من الوظيفة وتبين الزمان لو يرد لاني مجربة وكنت موظفة وتعبت والحمدلله انا بالبيت ومرتاحة نفسيا
اقترحت عليها من كثر مانسمع الخدم واهمال الامهات للعيال عقب مايتوظفن يهملن العيال و يلحقن ورا الريال وتسويله كل شي وناسيه عيالها من اكلهم ولبسهم والخ قلت لها تحط لهم كميرات بدون مايعرفن الشغالات خلال تواجدها بالشغل ومنها تتطمن على عيالها
جربتي تحطين كيمرات ؟ طبعا بدون ماتخبرين الشغالة ؟
ما أحس الكيمرات بيلعبون دور الأم
والخدامـة بالاول والأخير هي الي تقوم بالبيت وأكيد بتكتشف مكانهم
وبتحصل طرق اذا تبغى تسوي شي
الله يهدي ربيعتج يارب
نحن مب ضد الدوام لكن على الأقل ما تخلي عيالها مع البشكارة لإنها مب مسؤولـة عنهم
انا يبت مالت اتصالات بس مب عمليه ابدا
الخدامه حتى التلفون يووم اتصل مرات ما ترد وارجع البيت بسبتها
وبنتقل بيت ثاني انشاءالله و بركبهن مع الجبس الي في الجدار سواء عرفت الخدامه بالكيمرا او لا ما همني الصراحه
انصحيها
ولو ربيعتج تتنازل شوية عن موضوع كياني وماكياني
اقتراحي
تيب شغالة > عااااااااااااادي
بس تخلي الشغالة والعيال ويا أهلها أو أهله
المهم في عين تراقب الشغالة
مب الدوام والخروج والاختلاط !!
الله يهديهاا ويحفظ عيالهاا وعيالناا من كل شر ياارب
الين العصر وعقب ترد البيت ..
انتي حطي في بالج . ان احنا عيالنا ساعات ما نروم عليهم ويغيضونا فما بالج شغاله مب امهم ولا شياته عادي تضربه ادزه ولا تسوي فيه شي ..